2 Samyuele 23:3 - Anatunya Buku Baepole Ole Testamene Pii Lapo dee Nuu Tesamene

³ Isaraele wambunya Anatu dokome pii leya. Isaraele wambunya konambe ingyuo alya isa ingingi dokome namba langyuo lao, Kiŋi akali kata rolae dokona iki wambu dupwa iso karo dee Anatu lengenyili pyuo iso karenge doko

2 Samyuele 23:3 ပူးပေါင်းရင်းမြစ်များ

Jenesese 33:20

Yuu dokona baame mena pyao kiso maingi kana pyare leya. Lapala kingi Ele Isaraelena Anatu doko leya.

2 Samyuele 22:32

Kamongo baa iki doko Anatu. Dee Anatu baako nambwana nee isa ingyaro karamo.

1 Kiŋi 10:9

Nakamana Kamongo Anatu doko lakandalapa. Baame embapa role pyao karo dokopa rae maiyuŋu lao lasaka pyuo emba Isaraele wambunya kiŋi wasiya. Banya mona retenge doko Isaraele wambunya lao sulu singi dokona baame emba lowa dupwanape dee rolaena renge dupwanape paka pyao soo karareŋe lao kiŋi rombo palyiya.

Samu 110:2

Yuu Sayone dokona piso Kamongome embena kiŋinya yulu doko nyuo andakyanyi pyambwakaro. Dopa pipala embena yanda pimwai dupwa iso karalase lao piru, letamo.

Samu 42:9

Anatu nambana kyawa minyuo karenge doko kando leto. Akipamo namba yaki nyilisi? Nambana yanda pimwai dupwame akipamo namba koo keta palyuo randa joo puu pao pena lao kaelese?

Samu 72:1

Anatu, embena rolaena renge dokona palyuo kote lalenyili pyuo lena lao kiŋi baa mana lamaipi. Dokopa emba range katalunji nembo pii lenge dopale lamairi.

Samu 72:2

Dokopa embena wambu dupwa pipya pii katalunjidokona lao dee pendewa dupwa pipya gapomane yulu angi rolae dokona palyuo iso karara.

Ekesetase 18:21

Dee yulu mende opetae piri. Akali mora petenge lapo rombo palyarene dupwame mupwa ingyuo karo wambu dupwa isarami. Isaraminyi dokopa lapome wambu taosande mendaki (1,000) iso dee lapome andete mendaki (100) iso dee lapome akalisa kingi paki (50) iso dee lapome mee akalisa mendakipi iso pirami. Nakama Anatu mupwa lao suu pyao pako karo wambumi yulu kapa pirami lao suu pyaraminde. Wambu lapome nakama kando pii elyape laraminyi dupwa yeelyo nyisa naramili lapo rombo palyape.

Ekesetase 20:2

Namba nakamana Kamongo Anatu dokome nakama yuu Isipi dokona karapusi ingyuo kendemande yulu pyuo kareyaminyipa neta nyuo lanyuo epeyoŋo doko.

Ekesetase 3:15

Lapala Isaraele wambu dupwa lamaiyuo lao, Namba Kamongo doko nakamana rakane kauwanepena Anatu Aporakamemoo Aisake Jekope dusipana Anatuko dokome namba puu lapyamo epano lare. Dake nambana kingi sulu soo sera. Dokoko wambu ene manjiraminyi dupwame namba kando larami, leya.

Aisaya 32:1

Yuu mendepa kiŋi mona angi palenge mendeme rolae pyuo iso dee mee wambunya lita akali dupwame yulu rolo pyuo kararami.

Jeremaya 23:5

Kamongo dokome lao, Dapitinya para pyasi dokona yulu rolae pingi mende kiŋi inginya lao wasaro yuu gii doko epelyamo. Yuu liti dokona kapa kapa pyuo kiŋi dokome mona angi palipala anjuku rolae lao rolo pyuo rapu pyuo karara.

Sekaraya 9:9

Yuu Sayone wambu nakama rae rae maiyuo karalapape. Jerusaleme wambu dupwa rae maiyuo pii porakai lalapape. Nakamana kiŋi doko epapu nakama keta epelyamo kandalapa. Banya yanda pimwai anamasi minyuo isa palyuo epelyamo. Dopa pyuo ipyamopape baa pau lao epo donge dokona piso epelyamo. Donge ikyane kumwambona dokona piso epelyamo.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Ipuru 1:8

Dopa pyuo leyamopape Ikinyingi kando dopa leya. Emba Anatuŋu, peparae isa karalu karare lyakande rolaena renge palyuo embena wambu dupwa rolae dokome iso karenge.