2 Samyuele 22:7 - Anatunya Buku Baepole Ole Testamene Pii Lapo dee Nuu Tesamene

⁷ Dokopa namba randa nao karo Kamongo doko kee leyo. Nambame nambana Anatu doko nyisinya lao kee leyo. Dokopa banya tembole anda dokona karo baame nambana pii soo namba nyisinya lao ee leyono doko siya.

2 Samyuele 22:7 ပူးပေါင်းရင်းမြစ်များ

Samu 107:6

Dopa pyuo karapala nakama rangena randa nyiyaminyi dokona Kamongome nyisinya lao kyakale leyamisa nyisiyapya.

Samu 116:4

Dopa pyuo karapala nambame Kamongo doko kyakale lao poraiyuo piso sokondali pyuo lao, Nyisape, leyo.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Samu 34:6

Range nyisarami ingya nange dupwa baa nyisinya larami dokopa nyisingi. Baame nakamana randa epelyamo dupwana kyawa minyuo nyiso karamo.

Ekesetase 3:7

Dokopa Kamongome lao, Nambame nambana wambu dupwa Isipi wambu dupwame randa maiyuo pyuo karaminyi doko kandelyo. Dee karapusi yulu rapu pingi akali dupwame kopetame isilyaminyi dokona kiiramo nyuo pumwali lao ee lao karaminyi doko namba silyu. Randa nami dupwa namba soo gisilyu, leya.

Jona 2:4

Namba dopa lapu. Namba emba karene yuu doko yaki nyepala puu lapinyi dokona embena tembole anda poo pyasi keyange doko kamba kandarope daa?

Jona 2:7

O Kamongo namba repeta kumalena pipala dokopa emba suu pyao ateŋa lapu dokopa embena tembole anda poo pyasi keyange dokona karo sipi.

Apakuku 2:20

Kamongo baa banya misi anda poo pyasi dokona karenge. Dokona isa wambu peparaeme banya lenge kambu dokona koo pyuku pyuku paramo karena.

Luku 22:44

Dokopa banya monarena randa andake nao karo ateŋa poraiyuo laokondali pyuo peteya. Dokopa banya pusi epeyamo doko ranjama rauli dupwa kondo yuunya epeya.)

Ipuru 5:7

Wamba Yesu isa akali kareyamo dokopa Anatumi lopo lete nyipyalinya suu pyao ateŋa pyao ee andake lao piso siya. Yesu baa Anatupa lao suu pyapala range kuki ingyuo pyuo karenge dokona lao banya ateŋa doko Anatu siya.

Jemesa 5:4

Nakamana yulu akali ee pyakao karaminyi dupwana yole angi ingyuo mai napala pingyakamiyami dokona nakama kando lasara. Ee dupwana nenge manjakao pyuo karaminyi dupwame mumu letaminyi doko Anatu Kamongo Porai dokona kale katana palyuo karamo.