2 Samyuele 22:44 - Anatunya Buku Baepole Ole Testamene Pii Lapo dee Nuu Tesamene

⁴⁴ Embame wambu namba kando kamba lao mata joo kareyaminyi dupwa keta namba kyawa lete nyuo nyisingi. Embame wambu rara peparae keta namba kiŋi kara lao rombo palyapala iso karenge. Wambu namba kando see nange dupwame nambana yulu pyakalyaminyi.

2 Samyuele 22:44 ပူးပေါင်းရင်းမြစ်များ

2 Samyuele 19:14

Nakama Dapitinya pii doko sepala Juta akali peparae mona piyasa baa keta mona maiyuo pyamalyapala baamoo banya akali mupwa dupwa peparaepe kamba kapu kyuo epena leyami.

2 Samyuele 19:9

Yuu Isaraele dokona peparae nakama range lao laiya lao apyanda pyuo lao nakama range lao lao, Kiŋi Dapitimi namwana nyisu petenge dupwa pipya kyawa lete nyiya. Namwa Pilisitia wambu pipya kyawa lete nyiya kande. Epapu Epesalomena reke lao ralo papala yuu yaki nyuo pelyamo, leyami.

2 Samyuele 5:1

Enakana Isaraele rara dupwa peparae Dapiti baa yuu Eperone dokona kareya dokopa epeyami. Epapala baa lamaiyuo lao, Namwa embena rangena yongo ranjamape dokona leyami.

Samu 110:6

Baame yuu muu dupwana nyuo kyai rolae lao kote lapala yanda pingi yuu dokona wambu malu mee pyao kumasera. Baame kiŋi yuu muu peparaena karaminyi dupwapyao nyuo isa palyara.

Samu 2:8

Piso serene dokopa yuu muu dupwa emba jeronopa peparae embena ingyuo para.

Aisaya 55:4

Nambame baa wambu rara peparaena akali kyawa ingyuo wasiyu. Wasapala baa keta nambana porai renge doko nakama lasaka piyu.

Aisaya 55:5

Dakepa nakamame yuu wakale range wambu dupwa epena lao kyakale larami ingilyamo. Wamba wambu dupwame nakama see nayami kande. Dopa piyaminyipape epapu nakama karaminyi dokona makando ree lao eparami ingilyamo. Namba nakamana Kamongo Anatu Isaraele wambunya Anatu poo pyasi dokome renge dupwa pyaka sinya laro. Nambame nakama kingi ketae pyambuo rape rape lena lao piru.

Aisaya 60:12

Dopa piraminyipa wambu yuu liti lapome nakamana yulu pyaka narami dupwa pyao kokwa soo nembalu nembo nembaro.

Aisaya 65:1

Kamongome nambana wambunya ateŋa pii doko sepala yano pyalana rapa rapa piro kareyonopape angi laa nayami letamo. Nakamame namba anja karene lao koto kandamilinya kareyonopa nakamame kotalana suu pyao kara nayami. Nambame dae karo lapala nyiso yano doko pyalana lao kareyonopape yuu liti andake range karaminyi peparaeme ateŋa lao piso see nayami.

Daniele 7:14

Dokopa wambu yuu muu peparae palenge dupwamepe pii wakale wakale lenge dupwamepe wambu rara peparae dupwamepe banya yulu pyakamirami lao baa porainya rengepe kingi ketae pyambuo lakandenge rengepe dee kiŋinya porai rengepe dusipa maiya. Banya porainya renge doko sulu sera dee banya kiŋi yulu doko ota nara ingiya.

Osia 2:23

Nambame nambana wambu dupwa yuu dokona porai ingyuo kapa palyuo karena lao piru. Pipala wambu lapo nambame mona reta nalyamo letaminyi dupwa nambame mona retenge renge doko lasaka piru. Dee wambu lapome lao nakama nambana wambu daa letaminyi dupwa kando lao, Nakama nambana wambu laro. Dokopa nakamame isingi lao, Emba namwana Anatuŋu larami.

Orome 15:12

Dokona Aisayame dopa leya. Jesena para pyaramo dokona mende epara. Baa epo rara menge dupwa iso karara. Nakamame baa keta mende pira lao soo nyerami leya.

Orome 9:25

Dokona lao baame pii mende buku Osia lenge dokona lao piya. Wambu neta dupwa nambana wambuŋu laro lao rara namba wambo mona nyii nange doko nambana mona retenge rara laro leya.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.