2 Samyuele 22:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame Kamongo doko kee letono dokopa baame nambana nyisu petenge dupwa keta kyawa lete nyuo nyisingi. Dokona Kamongo lakandamanale.

2 Samyuele 22:4 ပူးပေါင်းရင်းမြစ်များ

Niyamaya 9:5

Lipae rara dupwa ateŋa lao piyami dokona wambu dupwa dopako pyuo misi lao pinya leyami. Jesuamoo Katemele Bani Asapenaya Serepaya Otaya Sepanaya Petatayamoo dusipame lao, Roya karapala nakamana Kamongo Anatunya lao kingi lakandalapape. Baa yuu peparae lakando karalu karalapape. Karapala mee akalimi ingyuo embena kingi kapa lakanda nalyaminyipape Kamongo embena kingi neta renge doko wambu peparaeme angi ingyuo lakandenale.

Samu 116:13

Nambame ipwa waene doko minyuo epo Kamongome nyisiyamo dokona ange lao mairu ingilyamo.

Samu 116:17

Nambame ange lao emba bange pyao kiso joo dokopa nambana ateŋa pii doko opetae jero ingilyamo.

Samu 116:2

Yuu mendepape kaeya nao baa kyakale lapunu yaka lao nambana pii soo karamo.

Samu 116:4

Dopa pyuo karapala nambame Kamongo doko kyakale lao poraiyuo piso sokondali pyuo lao, Nyisape, leyo.

Samu 34:6

Range nyisarami ingya nange dupwa baa nyisinya larami dokopa nyisingi. Baame nakamana randa epelyamo dupwana kyawa minyuo nyiso karamo.

Samu 96:4

Kamongo andake wakasa doko kamame ketaele lakandapengele ingilyamo. Isa bange kingimi wasisi dupwa isa palyuo baa kamame ulipili ingyuo kingi minyalyuo ketae pyambwapenge ingilyamo.

Orome 10:13

Buku Baepole lao dokopa, Kamongona kinginya lao nyisinya larami wambu dupwa mende neta paa nana lao lete wai pyao nyera letamo.

Orepalaisane 4:11

Namwana Kamongo Anatu, nyilyingi yulu dupwa emba keta kapa nyerenepa embame bange peparae wasingi. Dokona namwa emba ketae pyambuo kapa lakandapenge ingilyamo. Embame bange peparae pyuo wasii. Emba rangeko suu piinyili pyuo pyuo ingyapala minyaro karene.

Orepalaisane 5:12

kenane rekyae lao piyami pyao, Sipisipi Ikyane piyami doko angingyuo karamo. Baa keta porainya rengepe singinya rengepe kamongonge dupwape dee porakai renge palengepe ketae pyambuo yanga paupau lao pingi dupwape silyamo dokona lao lakandapenge ingilyamo.