2 Samyuele 2:1 - Anatunya Buku Baepole Ole Testamene Pii Lapo dee Nuu Tesamene

¹ Dokopa enakana Dapitimi Kamongo piso soo lao, Nambame yuu Juta taone dokona mende iso karala paowase? leya. Dokopa Kamongo dokome isingi lao, Kapa, leya. Dapitimi kamba piso soo, Yuu taone angi anjukunya pao kararose? leya. Dokopa Kamongo dokome isingi lao, Emba yuu Eperone dokona palyuo karala pena leya.

2 Samyuele 2:1 ပူးပေါင်းရင်းမြစ်များ

Jenesese 13:18

Dopa pyuo leyamo dokopa Aporame yuku pao yuu Eperone dokona akali Mamarena isayapasi repeta paleya. Palipala dokona Kamongona lao kana pyare leya.

Jenesese 32:2

Dopa pyuo Jekopeme aŋala dupwa kandapala dokopa, Yuu dakena Anatunya yanda singi ami dupwa palenge lyamo, leya. Lapala yuudoko kingi Makanaime leya.

2 Samyuele 15:7

Ee kana kisima epo papeyamo dokopa Epesalome baame kiŋi Dapiti kando lao, Kiŋi namba yuu Eperone dokona Kamongo doko kando lalu lao pii leyonoli pyuo piri lao namba puu lape.

2 Samyuele 5:19

Dokopa Dapitimi Kamongo doko piso soo lao, Nambame Pilisitia wambu dupwa pyaowape panda kaewase? Dee namwame pyala parama ramo doko embame namwa nyisarenepa pyao anamasi minyuo wini piramape mee lao piso siya. Nambame emba porainya renge joo nyisaroŋo kapa pyala pena, leya.

2 Samyuele 5:23

Dokopa namwame apa piramase lao Dapitimi Kamongo piso siya. Dokopa Kamongo dokome isingi yano pyao lao, Nakamame dakena piso rolae pao pyaa nalapape. Doloma palaminyi dokona donorena isa balasame lenge karamo dokona yanda pirami dokona rapa rapa pyuo karalapape, leya.

1 Kiŋi 2:11

Baa ee kana akalisa kisima Isaraele wambunya kiŋi ingyuo kareya. Karapala ee kana yanda ipingi nyepo yuu Eperone dokona kiŋi yulu pyuo kareya dee yuu Jerusaleme dokona ee kana akalisa rema dee ipisu remako nembo kiŋi yulu pyuo karo piya.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Isikiolo 36:37

Namba Kamongo Mupwa Andake Wakasa dokome letamo. Isaraele wambu dupwame nambame nakama nyisapili lao piso sela imili lao suu pilyu. Dee nakamana wambu doko ipwa pota kee kana ingyuo kakana pena lao suu pilyu.

Nambase 27:21

Baame purisi akali Eliasana arapu dokona karo pii soo yulu pira. Dokopa Eliasame kana lama kingi Urimi dee Tumini lenge dolapome minyuo nambame aki mende piri lao suu pyao karo doko soo gisara. Dopa pyuo baame Josuamoo dee Isaraele wambu peparaepe nakamana yulu dupwana apa pyuo kararami lao mana lamaiyuo lasaka pira, leya.

1 Samyuele 10:22

Dokona lao nakamame Kamongo piso soo lao, Mende opetae wakale mende eparase? leyami. Kamongome isingi lao, Sole baa dumu nakamana bange retenge dokona yalu piru karamo, leya.