2 Samyuele 19:9 - Anatunya Buku Baepole Ole Testamene Pii Lapo dee Nuu Tesamene

⁹ Yuu Isaraele dokona peparae nakama range lao laiya lao apyanda pyuo lao nakama range lao lao, Kiŋi Dapitimi namwana nyisu petenge dupwa pipya kyawa lete nyiya. Namwa Pilisitia wambu pipya kyawa lete nyiya kande. Epapu Epesalomena reke lao ralo papala yuu yaki nyuo pelyamo, leyami.

2 Samyuele 19:9 ပူးပေါင်းရင်းမြစ်များ

2 Samyuele 15:14

Dokona lao Dapitimi banya akali mupwa lapo baa role pyao yuu Jerusaleme dokona kareyami dupwa lamaiyuo lao, Namwa akali Epesalome dokome pyaa nana lao range kyawa lete nyelana suu pyapala dokopa yuu gii dakepako yuu mendasa mwua. Mende dee baa dae repe palipala namwa pyao isa palyapala wambu peparae yuu taone dokona petaminyi dupwa pyasaramiŋi yapa mwua, leya.

2 Samyuele 18:17

Dokopa nakamame akali Epesalomena yongo doko nyepala imwa dokona yuwale kyuwa mendena malyiyami. Malyapala kana malumi ama ketae reto yambe pyao pulyuo nyiyami. Dokopa Isaraele akali peparae mendaki mendaki lao nakama rangena anda dupwana ralo makando peyami.

2 Samyuele 19:10

Namwa akali Epesalome doko namwana kiŋi ingyara lao kyawa dokona mamba kulimbuo kisakamyuo rombo palyiyama. Dopa pyuo rombo palyiyamanopape baa yanda dokona piyaminyisa kumuya. Dokona lao akipamo mendeme kiŋi Dapiti doko kamba minyuo dae eparamo dokona lao laa nalyamisi? leyami.

2 Samyuele 19:40

Kiŋi doko ipwa yalo oteyamo dokopa Juta akali peparaemepe dee Isaraele akali pingyasi lapomepe baa kako pyao nyiso minyuo peyami. Baa yuu Gilikale dokona peyamo dokopa akali Kimikame baa dokona role pyapeta peyambi.

2 Samyuele 22:44

Embame wambu namba kando kamba lao mata joo kareyaminyi dupwa keta namba kyawa lete nyuo nyisingi. Embame wambu rara peparae keta namba kiŋi kara lao rombo palyapala iso karenge. Wambu namba kando see nange dupwame nambana yulu pyakalyaminyi.

2 Samyuele 5:20

Dokona lao Dapiti yuu Bealo Perasimi dokona papala Pilisitia wambu pyao anamasi minyiya. Minyapala baame lao, Ipwa mee wau kanya palenge dopale ingyuo Kamongo dokome nambana nyisu petenge dupwa mee kanya kulimbwanyi peyakapya, leya. Renge dokona lao yuu kingi doko Bealo Perasimi lenge. Bealo Perasimi doko Kamongo dokome mee kanya kulimbwanyi peyapya dopale lenge.

Ekesetase 32:24

Dopa leyaminyi dokopa kana golome wasisi kalya pingi bange dupwa minyuo epo jinya leyo. Dokopa wambu lapome bange reteyaminyi dupwa nyisa nyepala jiyami. Jiyaminyi dupwa isare dokona pyao pyambuyu dokopa bulamakao ikyane dake mee maso sipuro epeya, leya.

1 Samyuele 17:50

Dapiti wua mendepe minya nao mee kana palyuo pingi puu dokona kana palyapala Golayate pyao kumakaya.

1 Samyuele 18:25

Lamaiyaminyi dokopa Soleme nakamame Dapiti dopa lena lamaiya. Enda nyerene dokona kiŋi baame emba keta mende nyipuli yaka lao suu pilyamo. Banya yanda pimwai dupwa yano pyao embame Pilisitia akali andete mendaki (100) dupwa pyao kumasipili lao suu pilyamo. Pyao kumasepala nakamana yongo yanenge pyakepanyi nembapala yanenge dupwa kiŋi karapyamo dokona minyuo epena leyami. (Dopa pyuo Soleme Pilisitia wambu dupwame Dapiti pyao kumarami lao palyiya.)

1 Samyuele 19:5

Baa kumara doko suu pyaa nao baame Golayate pyao kumakayamo dokopa Dapiti baa kumuyaliko doŋo kuma naya. Doko Kamongo dokome pyao anamasi minyuo wini pingi renge doko Isaraele keta maiya doko emba kandapala dokopa ama rae mai kande. Dokona lao epapu embame akali koo mende pali nange doko kando kopetame pyuo renge angi mende daa dokona akipamo Dapiti pyao kumakarese? leya.