2 Samyuele 19:8 - Anatunya Buku Baepole Ole Testamene Pii Lapo dee Nuu Tesamene

⁸ Dokopa kiŋi doko roya karapala yuu taone dokona kame kambu repeta peteya. Banya akali dupwame baa dokona petamo leyami doko sepala nakama peparae dokona pao malu palyiyami. Yuu gii dokopa Isaraele peparae ralo wakale wakale pyuo nakama rangena anda dupwana peyami.

2 Samyuele 19:8 ပူးပေါင်းရင်းမြစ်များ

2 Samyuele 15:2

Baa wamba kukwa dokopa sipurarapu yuu taone dokona kame kambu dokona karapapu piya. Wambu mendepe dee wambu lamape imbu laiya lapala kote lao kiŋi dokome soo rolena lao epeyami. Dokopa Epesalome baame wambu doo epeyami dupwa kee lapala baame anja range lao piso sepa piya. Dokopa wambu dupwame isingi lao, namba yuu dusa rangeŋe rara dokonaŋa lapa piyami.

2 Samyuele 18:17

Dokopa nakamame akali Epesalomena yongo doko nyepala imwa dokona yuwale kyuwa mendena malyiyami. Malyapala kana malumi ama ketae reto yambe pyao pulyuo nyiyami. Dokopa Isaraele akali peparae mendaki mendaki lao nakama rangena anda dupwana ralo makando peyami.

2 Samyuele 18:24

Yuu taone dokona kame kambu dowa kamandape dee andakarepe kanya iki siyamo dokona Dapiti baa peteya. Dokona yuu taonena kambu isingi akali mende kana kame doko ketae pulyuo peya. Papala kambu dorena ketae anda yangi ingyuo perao karenge dokona kareya. Karapala dokopa akali mende baa iki makando repeta repeta epeyamo doko kandeya.

2 Samyuele 18:4

Dokopa kiŋi dokome isingi lao, Nakamame mende keyange lao suu pyaraminyi doko nambame piru, leya. Lapala baa kame kambu kii wangu dokona kareyamopa banya akali dupwa kimbu pyao piso liti taosande mende ingyarapu andete mende ingyarapu pyuo peyami.

2 Samyuele 19:3

Nakama yanda singi dupwa yandana pakao nyisa papala elyapala elya kalo karenge dopale ingyuo yuu taone dokona elya kalo sukusa dee peyami.

1 Kiŋi 22:36

Neta anda repeta para ingiyamo dokopa Isaraele yanda singi kareyaminyi dokona pii mende lao sukusa pao akali peparae nakamana taone yuupi dupwana kapu kyuo pena, leya.

1 Samyuele 4:10

Pilisitia wambu yanda poraiyuo pipala Isaraele yanda singi taosande akalisa rema (30,000) pyao kumakayami dokopa Isaraele wambu dupwa ralo bolombalo lao peyami.