2 Samyuele 19:18 - Anatunya Buku Baepole Ole Testamene Pii Lapo dee Nuu Tesamene

¹⁸ Nakama kiŋi andake dokope banya wambu pipya epeyaminyi dupwape ipwa doko yalo lanyala epo dee kiŋi dokome leyamuli pyuo pirama lao ipwa yalo peyami. Kiŋi doko ipwa dokona yalo panya rapa rapa piyamo dokopa akali Simaimi baa range pyakao papala kiŋinya lenge kambu siyamo dokona pangu siya.

2 Samyuele 19:18 ပူးပေါင်းရင်းမြစ်များ

2 Samyuele 19:17

Epo dokopa Benjamenena akali rara taosande mendaki (1,000) dee akali Sipa lenge Solena ree palu dokona kendemande karenge dokopa dee banya ikinyingi akalisa ipisu kingi paki dusipape dee banya kendemande akali akalisa lama pipala nyuo ipwa Jotane dokona kiŋi doko kando nyela epeyami. Epeyaminyi dokopa kiŋi baa banya akali dupwape ene epapa nayaminyisa nakama ipwa Jotane dokona epeyami.

2 Samyuele 19:19

Sepala lao, Emba kiŋi andake doko, yuu Jerusaleme yaki nyinyi yuu gii dokopa nambame kopetame piyu doko nyuo kame sakape. Dokona dee nambapa yanda pimwaiyuo minyaro karo suu pyao karalu kara napipi.

2 Samyuele 19:30

Mipiposetame isingi lao, Sipa baa dupwa peparae nyinya kae, Emba kiŋi andake doko anda lete ipi dokona namba rae mailyu. Dokona mende nyii naro, leya.

2 Samyuele 9:10

Dokona embape embena wane dupwape dee kendemande akali dupwapeme embena akali mupwa Solena ree palu dupwana lao yuu dokona yulu pyuo nenge wara pyakamirami. Dopa pipala nenge wambu piramo dupwa minyuo epo Solena wambu ree palu dupwa mairami. Dopa piraminyipape Mipiposeta baa yuu peparae nambapa role pyao nenge nala epara, leya. Akali Sipa banya ikinyingi akalisa ipisu kingi paki (15) dee banya kendemande akali akalisa lama (20) karenge.

2 Samyuele 9:2

Solena ree palu dupwana kendemande akali Sipa lenge doko kareya. Baa kee lapala kiŋi doko kandala pena leyami. Leyamisa baa kiŋi peteyamo dokona peya. Peyamo dokopa kiŋi dokome piso soo lao, Emba Sipase? leya. Leyamo dokopa Waa. Namba embena kendemandeko, leya.

1 Kiŋi 2:8

Dokona akali mende opetae Simai lenge akali Gerana ikinyingi akali Benjamenena yuu dokona yuu taone Barumi lenge singi dokona range dokome namba yuu Makanaime dokona pena peyono yuu gii dokopa baame namba koo keta paliri, leya. Dopa piyamopape ipwa Jotane mare dokona baame namba kando nyiyamo dokopa nambame baa kando Kamongo dokona kingi lao lalu lao lao nambame baa nyuo pyao kumaka naro, leyo.

Orepalaisane 3:9

Lapome kyambo lao Juu wambuŋu letaminyi dupwa nakamba Juu wambu angi ingya napala Satanena wambu ingyuo petaminyi. Kandalapa. Nakamba nakamana kimbu yukuna dorena pongwa naro petena laronopa nakama nambana arapu dokona karaminyi doko soo gisarami.