2 Samyuele 18:31 - Anatunya Buku Baepole Ole Testamene Pii Lapo dee Nuu Tesamene

³¹ Dokopa Itiopia kendemande akali doko epapala kiŋi doko lamaiyuo lao, Emba kiŋi andake doko, nambame wai pii keyange mende minyakao ipu. Epapu Kamongo dokome wambu emba kando pimwaiyuo nyuo isa palyalana kareyami dupwa isa palyuo anamasi minyakapya, leya.

2 Samyuele 18:31 ပူးပေါင်းရင်းမြစ်များ

2 Samyuele 18:19

Dokopa akali Aimase Satokona ikinyingi dokome Joape lamaiyuo lao, Kamongo dokome banya nyisu petenge dupwa pipya kiŋi doko kyawa lete nyuo nyisapyaŋa lao wai pii keyange doko minyuo kiŋi petamo dokona lamaila makando paowa, leya.

2 Samyuele 18:28

Dokopa Aimaseme kiŋi doko pii ketae palyuo yako lapala banya lenge kambu siyamo dokona pangu soo dopa lamaiyuo, Embena Kamongo Anatu lakando karape. Renge dokona lao akali dupwame emba kiŋi andake doko isa nembalana lao karaminyi dupwa keta baame anamasi minyingi renge doko jiya, leya.

2 Samyuele 18:30

Doko kiŋi dokome baa lamaiyuo lao, Dumbisa karena leya. Dokopa baa dokona papala kareya.

Daniele 4:19

Daniele banya kingi mende Beletesasa lenge dokome kombeya dokona lao sepala mona randame kumuo baa mende lara ingya naya. Dopa piyamosa kiŋi dokome lao, Beletesasa, emba kombeya dokomepe dee dokona renge dokomepe emba mona randanyi pyambunya laa napipi, leya. Leyamo dokopa Beletesasame isingi lao, Emba kiŋi andake doko, kombeya dokope dee dokona renge angi epara dokope emba keta pali nao embena nyisu petenge dupwa keta palipyali doko kapa ingyapyali, leya.

Jasi 5:31

O Kamongo, embena nyisu petenge dupwa dopale ingyuo kumunya. Dopa piraminyipape embena puu minyingi dupwa neta potemo epo rao karenge doko suu pyao karena. Dee yuu palu kareyami dokona ee kana akalisa kisima dusipana manda rengepe mona kyuu lao singi rengepe siya.