2 Samyuele 15:32 - Anatunya Buku Baepole Ole Testamene Pii Lapo dee Nuu Tesamene

³² Dapiti yuu kyau ketae lakandenge panda angi doko kando nyela peyamo dokopa banya mona reto puu minyingi akali Asai lenge yuu Aki range dokome banya komau dupwa minyuo pilyuo awai kyawasinya pyao pipala peteyamo kando nyiya.

2 Samyuele 15:32 ပူးပေါင်းရင်းမြစ်များ

2 Samyuele 1:2

Dokopa yangama yulu repo dokona wane parange mende Solena komau anda pyuo paleyamo dokona piso epeya. Dokome banya kondange renge doko lasaka pilyuŋu lao dokopa banya komau dupwa minyuo kanguo dee banya kyawa awai pyao pipala Dapiti peteya dokona papala baa yuu dokona pangu soo piya.

2 Samyuele 15:30

Dapiti baa yuu Olipi kyau dokona ee lao pulyuo peya. Baa kimbu suu pii nao kondome kumuo mona rando kyawasi yambe pyapala peya. Wambu lapo baa moko minyuo peyaminyi dupwa opetae dopako pyuo kyawa yambe pyao ee lao pulyuo peyami.

2 Samyuele 16:1

Dapiti baa yuu kyau ketae yaki nyepala lupyuo donorena peyamo dokopa aopa Mipiposetana kendemande akali Sipa lenge dokome baa kando nyiya. Sipa baame borete andete lamape isa girapo jingi yando enge kareta andete mendakipi dee isa jingi kana poo renge simu pyasi andete mendakipi menana yanengeme pee wasisi ipwa waene paleta mendepe pipala dupwa peparae mena donge lamana retapala minyuo epeya.

2 Samyuele 16:15

Akali Epesalomemoo dee Isaraele akali lapo baa role kareyami dupwa peparaepe Jerusaleme sukusa peyami dokopa akali Ayitopele baa opetae dokona role pyao kareyami.

2 Samyuele 17:5

Epesalome baame lao, Epapu Asai baa opetae epena lao kee lalapape. Laraminyi dokopa baame pii laramo dupwa namwa semanale, leya.

Samu 91:15

Nambame nyisape lao kyakale laraminyi dokopa isingi pii yano doko pyakamiro. Nakamba randa nyepala pisiraminyi dokopa kaeya nao role pyao piso nenge rekya lao nyepala dokopa nakama lakando kingi ketae pyambuo piro.

Luku 19:29

Yuu Olipi Kyau dokona yuu Betepasi yuu Betani dolapo singi dokona repeta epapala dokopa disaepole akali lama pena lao,

1 Samyuele 4:12

Akali mende Benjamenena rara dokona yanda pyuo kareyaminyi kamapi yaki nyepala yuu gii mendaki dokopako makando pao suu Sailo dokona kando nyiya. Baa mona randayamo dokona banya komau minyuo pilyuo dee banya lenge kambu kyawasipi awai piya.