2 Samyuele 15:30 - Anatunya Buku Baepole Ole Testamene Pii Lapo dee Nuu Tesamene

³⁰ Dapiti baa yuu Olipi kyau dokona ee lao pulyuo peya. Baa kimbu suu pii nao kondome kumuo mona rando kyawasi yambe pyapala peya. Wambu lapo baa moko minyuo peyaminyi dupwa opetae dopako pyuo kyawa yambe pyao ee lao pulyuo peyami.

2 Samyuele 15:30 ပူးပေါင်းရင်းမြစ်များ

2 Samyuele 15:29

Dokona lao akali Satoko dee Apiatapame Lalu Lao Lenge Pii Palenge Bokote doko soo kamba kapu kyuo Jerusaleme papala kareyambi.

2 Samyuele 19:4

Dokopa kiŋi dokome banya lenge kambu yambe pyapala ee poraiyuo lao lao, O nambana ikinyingi. Nambana ikinyingi Epesalome. Epesalome nambana ikinyingi, lao ee leya.

2 Samyuele 19:5

Dokopa Joape baa kiŋinya anda papala kiŋi doko kando lao, Epapu embena akali dupwa koo pepeya ingyuo wasinyi pyambuo pelyamo. Akali embena ikinyi wanenyepe lete nyiminyipape dee embena etene dupwape enda lapo konda pyuo nyingi dupwape lete nyiminyi dupwa koo inginyi nembapi kandapi.

Samu 42:3

Kukwa korakamape ee lao karapusa ee ipwange dokome nenge ingyuo sikya pilyamo. Dopa pipyamodokopa nambana yanda pimwai dupwame piso soo, Embena Anatu doko anja karamo, lao karaminyi.

Samu 43:5

Akipamo namba ama kondalyose? Akipamo nambana mona dokona randa nyilyusi? Nambana Anatu baa kapa pira lao suu pyao kararo. Baa nambana lete wai pyao nyingi baa nambana Anatu ingyuo karamo lao dee lakandaro ingilyamo.

Matyu 5:4

Wambu monarename sakame kumungi dupwa mona minyarambu poraiyakamira dokona rae maiyuo pelyaminyi.

Luku 19:29

Yuu Olipi Kyau dokona yuu Betepasi yuu Betani dolapo singi dokona repeta epapala dokopa disaepole akali lama pena lao,

Luku 19:37

Baa repeta epo yuu Olipi Kyau manda dokona epeyamo dokopa disaepole ama malu kareyami dupwa peparae kanda soo mona pyakalyuo pyao pii porakaiyuo kaeyo lao yulu andake wakasa malu kandeyaminyi dokona Anatu lakando kareyami.

Luku 19:41

Lapala repeta epo anda malu repe repe pyuo karenge doko kandapala

Luku 21:37

Yesumi dopa lao yuu peparae baa tembole anda dokona mana lao karapapu kukwa dokopa neta pao yuu Olipi Kyau dokona palipa piya.

Luku 22:39

Dokopa baa anda repe repe pyuo karenge dokona sukusa kareyamo doko kaepala yaki nyuo pao yuu Olipi Kyau dokona papapu pinginyili pyuo peya. Dokopa baa peyamo dokona disaepole dupwa peyami.

APOSELENA YULU 1:12

Leyambinyi dokopa nakama isa Olipi Kyau lenge, yuu doko yaki nyepala Jerusaleme peyami. Kata doko Juu wambu dupwame misi lenge gii dokopa kata muu dopale kapa penge dopale.

Orome 12:15

Rae mairami dupwa role pyao rae maiyuo, kondo pisirami dupwa role pyao kondoko karape.

1 Korina 12:26

Dokona lao yongo dokona mende randa nyera ramo dokopa yongo peparae randara. Yongo dokona mende mondo laro karara ramo dokopa yongo peparae mondo lao sera.