2 Samyuele 15:25 - Anatunya Buku Baepole Ole Testamene Pii Lapo dee Nuu Tesamene

²⁵ Dokopa kiŋi dokome akali Satoko doko lamaiyuo lao, Lalu Lao Lenge Pii Palenge Bokote doko nyepala minyuo pao yuu taone dokona retala puu. Kamongo dokome namba kando rae maira ramo doko yuu gii mendepa bokote dokope dee seramo panda dokope kamba kapu kyuo kandala puu lara.

2 Samyuele 15:25 ပူးပေါင်းရင်းမြစ်များ

2 Samyuele 6:17

Nakamame bokote doko minyuo papala Dapitimi kapa seraŋa lao komau anda piyamo dokona reteyami. Retapala enakana baame mena pyao kiso dee Kamongopa nakamape malu palyuo yalya kando piso maiyuo piyami.

2 Samyuele 7:2

Dokopa kiŋi dokome poropeta akali Netane lamaiyuo lao, Namba dae isa sita lengeme anda pisi dokona palo. Dopa pipunupape Kamongona Kana Minyuo Lalu Lao Lenge Pii Palenge Bokote doko mee komau anda pisi dokona silyamo. Doko kapa daa, leya.

Samu 122:1

Nakamame namba langyuo, Kamongona anda dokona mwua leyaminyi dokopa namba rae maiyu.

Samu 122:9

Kamongo baa dae palyuo karamo dokona lao nakamana ee yuupi ipinya lao ateŋa lakalyo.

Samu 84:10

Yuu gii mendakiembena tembole anda pao pisiru doko angingyuo papala yuu gii taosande nembo yuu wakalena mee kata papyuo kararo dusipa mee ingyuo pelyamo. Yulu koo pinginya anda dupwana kara nao nambana Anatunya anda kambu konandawamedokona karapuli yaka lao suu pilyu.

Ekesetase 15:13

Embena wambu kiiramo nyiinyi dupwa embena pii lao kana minyuo leene doko reto kaeya napala dokona palyuo mondo koo lao laminyii. Embena porai dokome wambu dupwa laminyuo yuu yapasi dokona pee.

Ekesetase 33:12

Dokopa Mosese Kamongo doko lamaiyuo lao, Doko kinyi. Emba namba langyuo, Wambu dapwa minyuo yuu dokona puu lee. Leenepape embame wambu mende nambapa role parambi peeyaro lao namba langi nae. Embame lao, Namba emba soo oto rae mailyu, lee.

Ekesetase 33:13

Epapu embame namba kando rae mairi ramo doko embena rapa rapa piinyi dupwa namba langipi. Dokona nambame embena yulu pyakao emba rae maiyuo puu paro. Dee wambu rara dake emba rangena ingyara lao rombo palyinyi doko suu pyao karape, leya.

Jeremaya 7:4

Wambu lapome nakama minyako pyuo kyambo langyuo, Dake Kamongona tembole anda dokome namwa randa nyii nao kapa karamano lao larami pii dupwa soo nyii nalapape.