2 Samyuele 15:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dokona lao Dapitimi banya akali mupwa lapo baa role pyao yuu Jerusaleme dokona kareyami dupwa lamaiyuo lao, Namwa akali Epesalome dokome pyaa nana lao range kyawa lete nyelana suu pyapala dokopa yuu gii dakepako yuu mendasa mwua. Mende dee baa dae repe palipala namwa pyao isa palyapala wambu peparae yuu taone dokona petaminyi dupwa pyasaramiŋi yapa mwua, leya.

2 Samyuele 15:14 ပူးပေါင်းရင်းမြစ်များ

2 Samyuele 12:11

Nambame emba kando lalu lao leto, Doko emba range ree palu dokona mendeme emba keta randa nyuo jinya lao piru. Pipala nambame embena etene dupwa nyepala akali wakale mende mairunupa akali baame enda dupwa panembena kepo pyuo nyeramopa emba kandare.

2 Samyuele 15:15

Dokopa nakamame isingi lao, Waa emba kiŋi andake doko, embame aki mende larene dupwana namwame mee pirama, leyami.

2 Samyuele 19:10

Namwa akali Epesalome doko namwana kiŋi ingyara lao kyawa dokona mamba kulimbuo kisakamyuo rombo palyiyama. Dopa pyuo rombo palyiyamanopape baa yanda dokona piyaminyisa kumuya. Dokona lao akipamo mendeme kiŋi Dapiti doko kamba minyuo dae eparamo dokona lao laa nalyamisi? leyami.

2 Samyuele 19:9

Yuu Isaraele dokona peparae nakama range lao laiya lao apyanda pyuo lao nakama range lao lao, Kiŋi Dapitimi namwana nyisu petenge dupwa pipya kyawa lete nyiya. Namwa Pilisitia wambu pipya kyawa lete nyiya kande. Epapu Epesalomena reke lao ralo papala yuu yaki nyuo pelyamo, leyami.

Samu 51:18

Anatu, embame anjiki pipala yuu kyau Sayone doko nyisape. Jerusaleme kame doko kamba piri.

Matyu 11:12

Joneme kanda soo waili pii lao kareyamo yuu gii dokopa piso epo akali enokonge dupwame yake pandana isingi yulu doko nyelana kuli palyuo pyuo karo nyelana pilyaminyi.

Luku 10:15

Dee, yuu Kapaneame range wambu dupwa nakama rangeme yake panda dokona range minyalyuo nyeramipi? Ama daa, nakama panda koo dokona isa malyaramisa pira.