2 Samyuele 15:12 - Anatunya Buku Baepole Ole Testamene Pii Lapo dee Nuu Tesamene

¹² Baa mena pyao kiso maiyuo karo dokopa kiŋi Dapitinya dopa pyuo piri dapa pyuo piri lao nyiso lenge akali Ayitopele lenge doko Epesalome baame taone yuu Gaelo dokona nyela pena leya. Dokopa akali Ayitopele lenge doko epeyamopa kiŋi Dapitinya yulu isa nembalana lao yalu pyuo leyaminyi doko ama wakasa ingyuo lao andakiyami. Dopa piyamosa wambu Epesalome kando rae maiyami dupwa malu ingiya.

2 Samyuele 15:12 ပူးပေါင်းရင်းမြစ်များ

2 Samyuele 15:31

Dokopa akali Ayitopele doko akali Epesalome dokome Dapitinya kiŋinya yulu isa nembalana leyamo dokona rae mailyamo lao lamaiyaminyi Dapiti siya. Sepala baame ateŋa lao lao, Kamongo, akali Ayitopele pii dopa pinya dapa pinya laramo dupwa kopyali ingyuo pena lao kyawa sisingi bolombalo lanyi nembape, leya.

2 Samyuele 16:15

Akali Epesalomemoo dee Isaraele akali lapo baa role kareyami dupwa peparaepe Jerusaleme sukusa peyami dokopa akali Ayitopele baa opetae dokona role pyao kareyami.

2 Samyuele 17:14

Akali Epesalomemoo dee Isaraele akali peparae dupwame lao, Akali Ayitopelena pii doko keyange ingyapyamopape akali Asainya doko ama keyangelyamo, leyami. Kamongome akali Ayitopelena pii keyange doko minyuo pii narami dokopa randa andake doko akali Epesalome keta epara lao soo nyiya.

2 Samyuele 17:23

Dokopa akali Ayitopele banya pii leyamo dupwa moko minyuo pyakami nayamisa banya mena donge doko nyepala piso para dokona rapa rapa pipala banya rangena yuu taone dokona peya. Enakana banya rangena yuupi bangepe dupwa peparae rapa rapa pyuo rolo otapala baa rangeme puu neya. Dopa piyamosa banya wambu ree palu malu pingi yuu dokona malu piyami.

1 Kiŋi 21:12

Nakamame wambu dupwa nyuo malu palyuo nenge wasaka pyuo piso Napote baa kingi ketae pyambuo lakandeyami.

1 Kiŋi 21:9

Maiyamo pepa dokona dopa lao piya. Wambu dupwa kee lao nyuo malu palyapala nenge wasaka pyuo piso Napote baa kingi ketae pyambuo lakandalapape, leya.

Poropepe 15:8

Akali keyange mona angi palenge dupwame ateŋa letaminyi dokopa Kamongo doko rae maingi. Dopa pilyamopape akali koo pingi dupwame mena pyao kiso mailyaminyi dokopa baame epe kanda nange.

Jeremaya 6:20

Yuu Sepa piso nakamame rendamu pingi doko namba keta minyuo epeyaminyipape mona karo nyaka nalyo. Panda yuu wakale nanesa rae bange lapo nenge rende pinya lao minyuo epeyaminyipape dupwana lao mona nyii nalyo. Nakamana nenge kiso jeraminyi dupwa nambame rae maiyuo nyakami naro. Dee mena pyao kiso jeraminyi dupwana nambame rae maiyakami naroko.

Nambase 23:1

Kandapala Belameme Beleke lamaiyuo, Nenge kiso maingi kana pyare yanda ipingi nyepo dakena pyakape. Pyakapala mena bulamakao kali yanda ipingi nyepo dusipape dee mena sipisipi kali yanda ipingi nyepo dusipape nyepala minyakao ipupi, leya.

Nambase 23:14

Belekeme Belame Sopiminya yuu dokona Pisika kyau dokona ketae singi dokona nyuo lanyuo peya. Peyamo dokopa Belameme yuu dokona opetae nenge kiso maingi kana pyare yanda ipingi nyepo lapala mena bulamakao kalipi mena sipisipi kalipi mendaki mendaki lao larapu kiso maiyambi.

Nambase 23:30

Leyamuli pyuo Belekeme piya. Dee mena bulamakao kalipi mena sipisipi kalipi mendaki mendaki larapu kana pyare dupwana reto kiso maiya.

Jone 13:18

Nakama peparaesa kando laa nalyo. Nambame akali rombo palyiyu dupwa soo kaeyo karo. Pii pyasi palamo mende, Nambana nenge nao pisipyamo akali doko kapu kyepala kimbu yukaname namba kalyalana pira leyamo doko leyamuli pyuo pira.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.