2 Samyuele 12:25 - Anatunya Buku Baepole Ole Testamene Pii Lapo dee Nuu Tesamene

²⁵ Retapala poropeta akali Netane lamaiyuo, Kamongome baa mona reteyamo dokome wane kingi Jetitaya lena leya. Kingi Jetitaya lenge doko Ipuru pii dokona Kamongome mona wakasa retenge lenge.

2 Samyuele 12:25 ပူးပေါင်းရင်းမြစ်များ

2 Samyuele 12:24

Enakana Dapitimi banya etenge Betesepa mona minyarambu rapu piya. Dopa pyuo baa enda dokopa role paleyambi. Dokopa enda baa wane ane mandeya. Doko Dapitimi wane kingi Solomone leya. Kamongo dokome wane doko mona reteya.

2 Samyuele 7:4

Leyamopape yuu gii kukwa dokopa Kamongome Netane dopa lamaiyuo lao,

1 Kiŋi 1:11

Enakana Netane baa Solomonena endangi Betesepa lenge peteyamo dokona papala baa piso soo dopa leya. Emba Akitinya ikinyingi Atonainja baa rangeme kiŋi karalana lao rombo palyapya doko see napisi? Dokopa kiŋi Dapiti pii dokona mendepe ama see nalyamo, leya.

1 Kiŋi 1:23

Epeyamo doko dopa pyuo poropeta doko epo karamo lao kiŋi doko lamaiyami. Dokopa Netane baa andakare papala kiŋinya lenge kambu dokona isa pangu siya.

1 Kiŋi 1:8

Dopa leyaminyipape purisi akali Satokomoo Benaya Jiyoatana ikinyingimoo dee poropeta Netanemoo Simaimoo Oraimoo dee Dapiti banya yongo rapu pyuo karaminyi akali dupwamepe Atonainja banya pii leyamo dorena kara nayami.

Matyu 17:5

Ene lao kareyamo dokopa kopa kyewa lenge mende epo nakama kareyami dokona yambe piya. Yambe piyamo dokopa kopa dokona piso pii mende lao epeya. Akali dake nambana Ikinyingiŋi nambame baa mona retapala rae mailyu. Banya pii soo karalapape, leya.

Matyu 3:17

Dokopa yake dokona pii mende lao epapala, Nambana Ikinyingi mona retelyo dake. Nambame baa raeko maiyuo karo leya.

Dutaronome 33:12

Benjamenena rara dokona lao dopa leya. Rara dake Kamongome mona retapala kyawa minyuo karapenge. Kwuara yangara piramo yaka lao baame nakama koo keta pali nana lao baa nakama pipya role pyao karenge, leya.