2 Samyuele 12:2 - Anatunya Buku Baepole Ole Testamene Pii Lapo dee Nuu Tesamene

² Akali kamongo doko mena bulamakaope sipisipipi dupwa malu minyiya.

2 Samyuele 12:2 ပူးပေါင်းရင်းမြစ်များ

2 Samyuele 12:1

Kamongome poropeta akali Netane Dapiti kareya dokona pena leya, Netaneme Dapiti kareya dokona papala baa lamaiyuo lao, Akali lama yuu taone mendakinyako paleyambi. Doo paleyambi dokona mende akali kamongo dee mende akali pendewa.

2 Samyuele 12:3

Dokopa akali pendewa dokome mena sipisipi ikyane inya mendaki iki ropo pyao nyepala minyiya. Baame mena doko au pyuo rapu piyasa banya anda dokona karo andapala banya wane wanakepe dupwa pipya role pyao kareyami. Dokopa banya nenge dupwana maiyuo pee kapo baa rangena dokona ipwa nena lao dee banya pai dupwana kupyaro piso piya. Dopa pipala mena sipisipi ikyane doko banya wanenge dopale ingiya.

2 Samyuele 12:8

Nambame banya kiŋi yulupi dee banya endape dupwa nyuo jiyu. Jepala Isaraele peparaepe dee Juta peparaepena emba kiŋi ingyuo nambame rombo palyiyu. Doko jiyunu dusipa kapa ingya napyali doko lama konda pyuo jipuli.

2 Samyuele 15:16

Dopa leyamisa kiŋi Dapiti baape banya ree palu dupwape dee banya akali mupwa dupwape peparae yuu Jerusaleme yaki nyuo peyami. Papala banya enda lapo konda pyuo nyiyamo akalisame banya yuu andape dupwa isako karena, leya.

Jopo 1:3

Banya mena sipisipi dupwa taosande yanda ipingi nyepo (7,000) kareyami. Banya mena kamele dupwa taosande rema (3,000) kareyami. Banya mena bulamakao yale kingi okese lenge dupwa taosande mendaki (1,000) kareyami. Banya mena donge andete kingi paki (500) kareyami dee banya kendemande akali soo kaeyoko kareyami. Kareyaminyipa Jopo baa yuu neta pyakaenge dorena kamongo doloma manda manja nayamo kareya.