2 Samyuele 12:17 - Anatunya Buku Baepole Ole Testamene Pii Lapo dee Nuu Tesamene

¹⁷ Banya anda dokona yulu pingi akali mupwa dupwame baa paleya dokona papala pyaleto nyuo roya pisimwali lao piyaminyipape baa simbi simbi pipala nakama pipya role pyao nenge mendepe naa naya.

2 Samyuele 12:17 ပူးပေါင်းရင်းမြစ်များ

Jenesese 24:2

Dokopa Aporakame banya kendemande akali mupwa banya bange peparae rapu pyuo karenge doko epena lapala dopa lamaiya.

Jenesese 37:35

Dokopa banya wanenge ikinyingipi peparaeme mona minyarambwuamwali lao piyaminyipape baa kapa mona minyarambwuara ingya nayamopa lao, Kararo dusipana wane Josepena lao mee kumanda piso karo pao kumuo pao baa kandapala dokopa kame serona, lapala kaeya nao kumanda peteya.

2 Samyuele 12:18

Dopa pyuo karo mende papeyamopa enakana wane doko kumuya. Dokopa Dapitinya akali mupwa dupwame dopa pyuo wane doko kumapya lao baa lamainya pakayami. Pakapala nakamame lao, Wane doko lenge rao peteyamo pii lamaiyama dokopa Dapitimi namwa pii langya naya kande. Banya wane doko kumapya lao apa pyuo namwame baa lamairamase? Mende dee baa range randa lapo nyisasara, leyami.

Daniele 6:18

Kiŋi doko kapu kyuo banya anda papala yuu gii kukwa dokopa baa nenge naa nao dee male laa nao baa kamame luu kuki mendepe pali naya.

1 Samyuele 28:23

Leyamopa Soleme, Ama daa nenge dupwa naa naro, leya. Dopa leyamopape banya yanda singi mupwa dupwame lamaikondali pyuo nena leyami. Leyaminyi dokopa baa mona kumuo maipala kapa nenge naro lao sipurapala rate dokona peteya.