2 Pita 3:17 - Anatunya Buku Baepole Ole Testamene Pii Lapo dee Nuu Tesamene

¹⁷ Yangonemoo mende piraŋa doko wambo langilyu. Doko akali kamba lenge lapo epapala pii kopetame langiraminyipa soo nyepala isa pasarami dokona waso karalapape.

2 Pita 3:17 ပူးပေါင်းရင်းမြစ်များ

Poropepe 1:17

Yaka lyinya lao kone makaramo doko kando pisiramo dokopa makara doko kapa ingya nara.

Matyu 16:11

Nambame lao Parisi dupwape Satyusi dupwapena isi doko waso minyuo karalapape, lapu kandapi dokopa mee borete dokona laa napu doko apa pyuo nakama see nalyamisi? leya.

Matyu 16:6

Yesumi nakama lamaiyuo, Parisi dupwape Satyusi dupwapena isi doko pyarepanyi nembo waso karalapape, leya.

Matyu 7:15

Kyambo lenge poropeta akali dupwa kando waso karalapape. Akali dupwame yanenge dorena mena sipisipi ingyuo pau lasi epapala monarename yana suwa kararope andake asiŋiliŋili lao karenge dopale ingyuo epenge.

Jone 16:4

Dopa pirami doko nambwa Rakanepa soo gisa napala nakama pyarami yuu gii pyaka seramo dokopa dopa langii kande lao suu pyarami dokona langyalono. Wamba role pyao kareyama dokopa pii dapwa langya nayo.

APOSELENA YULU 2:42

Dokopa nakamame aposele dupwana mana pii sokondali pyuo nenge yalya kando nao ateŋa lao pyuo peteyami.

Orome 16:18

Wambu dopa pilyaminyi dupwa namwana Kamongo Koraisana yulu pii nao nakama range iki dokona lao suu pilyaminyi. Nakamana pii elyape ingyuo lengepe girisi pii lengepe dolapome wambu nakamana yulu kando gisapa nange dokona panga soo lengenyili pyuo lao karaminyi.

1 Korina 10:12

Akali mendeme namba kapa karo lao suu pyaramo dokopa koo keta pali sera kando karena.

1 Korina 15:58

Yangonemoo dokona lao nakamame kaeya napala poraiyuo karalapape. Kamongona yulu pilyaminyi doko mee pyuo nemba narami dokome yuu peparae Kamongona yulu imambu see nao pyulu pyuo pyuo karalapape.

2 Korina 11:3

Nakamana kyawa sisingi kwaepala Koraisana yulu mondo lao poraiyuo pilyaminyi doko yaki nyesaraminyi lao mona kendalyo. Kaumi enda Ipi panga soo lamaiyuo makande piyamo doko suu pyao nakama makande pira lyakande lao suu pilyu.

Galasia 5:4

Nakama Lowa minyapala Anatupa rolae karamwali lao suu pilyaminyi dupwa Koraisana arapu dokona kara narami. Anatunya mona keyange palyuo ipingi renge doko nakama keta pali nara.

Epesasa 4:14

Dopa pyuo pirama ramo namwa wane kuki ingyuo wambu lapo yulu koona kendapuli ingyuo suu pingi kyai dokome namwa ukiaki minyilyasa panga soo nyilya nyana pyuo kararaminyipape namwa kao pele pele lao karenge dokona ingya naramasa pira.

Pilipai 3:2

Doko wambu koo pingi dupwa waso karalapape. Akali nakama yanenge kunjo kalomo karaminyi dupwa nakama koo suwa ingyuo kopetame pilyaminyi.

Kolosi 2:5

Namba nakama pipya angingyuo kara nalyo doŋo imambunya yulu dokona ingyuo nambana mona dorena dolo nakama pipa karo. Nakama Koraisa kapa ingingi lao suu pyapala mee kana para para ingyaro karaminyi doko kandapala namba rae mailyu.

Kolosi 2:8

Nakama isa akalinya pii rambaye dokona kyambo laraminyi sisaramano lao waso karalapape. Akali dopale dokome Koraisana mana nyii napala isa imambu koo dupwana mana nyepala pyuo karaminyi.

2 Timoti 4:15

Baa waili pii lao kareyama dokona imbu singi mandeya dokona emba range baapa kandokondali pyuo karape.

Ipuru 3:14

Namwa kanda soo Kurisene ingyapala dokopa waa waa karo piyama dokona palyuo pyuo puu parama ramo doko Koraisana dupwa namwa opetaenako ingyuo para.

1 Pita 5:9

Kurisene yulu dokona pyuku laa napala Satane nyuo meme pinyi nembo karalapape. Randa epelyamo dupwa embako iki nelende daaŋa. Kurisene yango yuu muu wakale dupwa mendare ingilyamo.

2 Pita 2:7

Akali Lote baa nakamba role pyao karapala nakamana yulu koo dupwa kando mona randayamosa Anatumi baa kyawa lete nyiya.

2 Pita 3:1

Nambana puu minyingimoo, pepa pase mende wambo joo kaeyo kande dokona dake lapo pyuo pyao jilyu. Pase dolapona Anatunya pii keyange dokona poraiyuo suu pyalapape lao pii dokona andarele langilyu.