2 Pita 3:10 - Anatunya Buku Baepole Ole Testamene Pii Lapo dee Nuu Tesamene

¹⁰ Kamongona yuu gii doko waa nala epenge akali yuu gii anjokorape epara lao see nalyaminyi epenge dopale ingyara. Yuu gii pyaka seramopa yake doko kele kalo lao rali piramo dokopa bui dupwa isareme rapala kondo isa para. Dee yuu muu dupwa mee ope ape pyuo rali pipala pana nara.

2 Pita 3:10 ပူးပေါင်းရင်းမြစ်များ

Samu 46:6

Yuu muu ree lao dupwa peparae pakame kumaraminyipa kiŋinya isingi yulu dupwa peparae walu larami. Anatu pii reeko yuu gono lele laramo dokopa yuu dupwa mee ingyuo rali pira.

Joele 1:15

Kamongona yuu gii doko repeta epelyamo. Eparamo dokopa Anatu Porai Wakasa dokome pyao kokwa sinya lao randa andake jera. Yuu gii dokona paka renge wakasa epara.

Joele 2:1

Anatunya yuu kyau yapasi Sayone dokona wambu dupwa kamenge karasarami byara pyalapape. Kamongona yuu gii doko repeta epara dokona Juta wambu dupwa peparae pakame kumuo walu walu lalapape.

Joele 2:31

Neta doko iminjo rali pyuo kana doko ranjama ingyuo pira. Wambo dopa piparamo dokopa enakana Kamongona yuu gii koo randa doko pyaka sera.

Joele 3:14

Wambu taosande malu dupwa yuu pau lama kote lara dokona karaminyi. Yuu dokona Kamongona yuu gii doko repeta epara.

Emosa 9:13

Kamongo dokome dopa letamo. Yuu gii mende pyaka seramo dokopa nenge dupwa waiya lao andara. Andapala jingi malu lyeramo dokona akali dupwame peparae kapa manjo otalana saka narami. Ipwa waene dupwa peparae waiya lao andapala jingi malu mee lyeramo dokona waene wasingi wambu dupwame wasingi panda soo simbwarasa wasalana saka narami. Dokopa enda akalipi peparae waene rende pingi malu mee nakama keta sera. Doko yuu kyau dokona ipwa palyuo simbwapala potemo neta penge dopale ingyara.

Emosa 9:5

Kamongo Mupwa Andake Wakasa Ama Porai karenge doko banya kingi dokome yuu doko minyandelyamo dokopa yuu doko pyuku pyuku lenge. Dokopa wambu yuu dokona palenge dupwa mona rando ee lenge. Ipwa Naele palelyamo dokopa ando ketae papala panyi pilyamo dokopa isa pao lyanenge dopale ingyuo yuu muu dupwa peparae ketae papala enakana isa para.

Maeka 1:4

Papiramo dokopa yuu kyau moko kararamo dupwa rao lili lao ipwa ingyapala yuu lama lama dupwana kyau ipwa lyuo epele lao epara.

Malakae 4:5

Dopa piramopape Kamongo eparamo yuu gii andake rando doko enakana epara lapala wambo nakama keta poropeta akali Ilainja lenge doko peyaro.

Matyu 24:35

Yake yuupa otara ingyapyamopa nambana pii dupwa ota nara ingilyamo.

Make 13:31

Yake yuupa otara ingilyamo. Nambana pii dupwa ota nara ingilyamo.

Luku 12:39

Pii dake kame see nalapape. Anda range akali doko waa nyingi akali yuu gii anjokorape epara lao soo gisapyali doko lenge rao pisipala anda pyasu pyao epa nana lapyali.

Orome 8:20

Bange wasiyamo dupwa peparae mee koo ingyuo pelyamo leya. Anatunya wasisi dupwa mee koo ingyuo pupuli lao paa naya. Anatumi dopa pyuo koo ingyuo sinya leyamo silyamo. Dopa pyuo leyamopape angi nembalu nembo nemba nayamo dokona Anatumi mende pira ingyasi silyamo.

1 Korina 1:8

Dee yuu gii lumwa piramopa kyawa minyara dokome Kamongo Yesu Koraisana yuu gii dokopa nakama mondo lao pisirami.

2 Korina 1:14

Nakama epapu dakepa kuki silyaminyi dokome enakana soo otalu oto otamili leto. Renge doko Kamongo Yesu eparamo yuu gii pyaka seramo dokopa namwa nakama kando rae maiyuo pyakalyuo pyao kararama. Doko suu pyao nakama namwa kando rae maiyuo pyakalyuo pyao kararami.

1 Tesalonaika 5:2

Yuu gii Kamongo Yesu eparamo doko waa nyingi akali kamenge walu lao kukwama epenge dopale ingyuo epara doko nakama angi soo gisilyaminyi.

1 Tesalonaika 5:4

Dopa piramopape yangonemoo nakama iminjingi dorenako mee petaminde daa. Yuu yangara doko waa nala epenge dopale ingyuo pyaka sera ingya nanale.

2 Pita 3:11

Dopa pyuo kokwa soo paramo dokona nakamana range yulu dokona kandokondali pyuo karalapape. Anatu dokona iki suu pyao karalapape.

2 Pita 3:12

Anatunya yuu gii doko dakepa waiya lao pyaka sipyali lao suu pyapala yulu rolae pyuo karalapape. Yake doko rao mee inginyi nembo, bui dupwa isareme raramopa mee ipwa ingyuo para.

2 Pita 3:7

Pii mendaki dokomeyoko yake yuupi isareme raraŋa lao retasi silyamo. Doko akali yulu koo pingi dupwa keta kote pii paliramopa yuu pale pale isareme rao kokwa soo parami.

Juti 1:6

Aŋala lapome Anatu yulu maiyamo doko yaki nyepala kaeyami dupwa baame puu sane sulu singindeme puu maipala iminjingi panda koo dokona pyambuyamo doko kame see nalapape. Nakama yake pandana kote andake paliramo dokona puu maisi silyaminyi.

Orepalaisane 16:15

Pii dake selapa. Namba waa nala penge dopale ingyuo eparo. Dokona nakama komau wapuo karo lenge rao karalapape. Dokome wambunya lenge kambu dokona papara paa nao rae maiyuo elya napala kararami.

Orepalaisane 20:11

Enakana kiŋinya petenge isa reeko kakepamendena mendali peteyamo kandeyo. Banya lenge kambu dokona yake yuupa dolapo mee ingyuo rali piyambinyipa dee kanda narami ingiya.

Orepalaisane 21:1

Enakana yake yuupa dolapo wakale enenge ingyuo alowa piyamo kandeyo. Yake yuupa wamba singi dolapo nyuo alowa piyamopa kota pete doko mee ingyuo rali piya.

Orepalaisane 3:3

Dokona lao mona kapu kyepala yulu mana langiyami kande dusipa yaki nyii nao minyaro karalapape. Lenge rao kara narami ramo dokopa namba waa nenge akali dopale ingyuo elya kalo eparono yuu gii doko see nao kararami lyakande.

Orepalaisane 6:14

Yake doko pepa yoko dopale ingyuo kao pele pele lao peyamo dokopa yuu kyau, dee yuu aelende ipwa kota sukusa singi dupwape mee ingyuo rali piya.