2 Pita 2:7 - Anatunya Buku Baepole Ole Testamene Pii Lapo dee Nuu Tesamene

⁷ Akali Lote baa nakamba role pyao karapala nakamana yulu koo dupwa kando mona randayamosa Anatumi baa kyawa lete nyiya.

2 Pita 2:7 ပူးပေါင်းရင်းမြစ်များ

Jenesese 13:13

Dokopa akali yuu Sotoma range dupwame kopetame pyuo Kamongona yulu dupwa uki palyuo kareyami.

Jenesese 19:16

Leyambinyipape baa pande paa nayamosa Kamongome kondome kumuo sakao kareyamopa aŋala dolapome baamoo wanenge etengepe kii minyuo nyuo yuu taone andake dokona netarename nembeyambi.

Jenesese 19:22

Dokona makando lete pare. Emba paparene dokopa pyaro lao iso kararo, leya. Yuu doko taone kuki ingiyamosa dokona kingi Sowa leyami.

Jenesese 19:29

Anatumi wambu pau rulyiŋa dokona paleyami dupwa kokwa sinyi nembo karo Aporakamena lao sakapala Lote kaki rambe rambe paleyamopape yapanyi nembakamiya.

Jenesese 19:5

Karapala Lote dokona kyakale lao, Akali lama epapu alemanji embena anda epambinyi dolapo anja petambinyi. Nakamba lanyuo kamanda eparenepa namwa nakamba kando semanaleŋe, leyami.

Jeremaya 23:9

Namba poropeta akali dupwana lao suu pyao mona rumbingi karo mona pupyamo walu walu lao karo. Kamongo dokomepe dee banya pii poo pyasi dokomepe namba ipwa biya napala karenge dopale inginyi pyambulyamo. Akali mende ipwa waene malu napala lao kararamuli pyuo lao karalyono.

1 Korina 10:13

Makande pingi kyaka mendeme emba pii nara. Anatumi nyisiyamoko nyisingi dokome emba makande pingi wakale wakale eparamo dokopa koo keta pali nao porayapala wanji pili lao kyawa minyara.

2 Pita 2:18

Nakama sipurapala yongona pii andake lapala wambu mona kapu kyasi poraiyapa nalyaminyi dupwa nyepala yongona pundange renge dupwa mana lamaiyuo neta nyilyaminyi.

2 Pita 2:2

Wambu malu mee nakamana mana nyepala yulu kopetame piraminyisa Anatunya Imambunya kata angi doko kwaeyakamisara.

2 Pita 3:17

Yangonemoo mende piraŋa doko wambo langilyu. Doko akali kamba lenge lapo epapala pii kopetame langiraminyipa soo nyepala isa pasarami dokona waso karalapape.

Juti 1:4

Mana lenge angi daa lapome kolalyuo epapala namwana Elyambu Pingi wambu role pyao karaminyi. Nakama sukusa karo Anatunya mona keyange palyuo ipingi renge pii doko kaepala alowa pipala rangena kepo pingi yulu kapa pilyamano lao suu pilyaminyi. Nakamba Yesu Koraisa namwana Kamongo mupwa mendaki doko rekya lapala yaki nyilyaminyi. Yuu wamba dokopa buku Baepole dokona wambakao lao dokopa randa andake doko nakamba keta palira doko pyasi paleya.