2 Pita 1:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona ingyuo poropeta akalimi pii leyami doko kinyi ingyuo pelyamo kandelyamano. Nakamame pii doko lambe ingyuo minyuo panda iminjiyamo dokona yanganyi retenge. Dokona leyami dupwa suu pyale pyale pupwape. Pii doko rao pelyamo dokome yuu yangapala nakamana mona anda dorena yanganyi peeyara.

2 Pita 1:19 ပူးပေါင်းရင်းမြစ်များ

Samu 119:105

Embena pii doko lambeme pinginyili pyuo namba kata lasaka pingi. Dopa pyuo namba pelyono dokona kendali ingyuo namba rao lanyuo penge.

Aisaya 41:26

Dokopa namwame kinyi emba kapa angi rolae dokona letene larami lao nakama dokona api mendeme doo leto doko kinyi angi piraŋa lao lamisi? Nakama mendeme dokona lao pii kuki mende laa nayami kande. Nakama mendemepe pii kuki mendepe laminyi see nayami kande.

Aisaya 8:20

Embame wambu dopale dupwana pii yano pyakamyuo dopa lamairi. Nakama Kamongo Anatumi aki mende mana langyalyamo lao kale yuku selapape. Ropakape pipu lengepe dupwa kale yuku sakami nalapape. Dopale langilyaminyi dokome nakama uki minyara ingilyamo.

Aisaya 9:2

Wambu iminjiyamo dokona peteyami dupwa ama yanga paupau leyamo kandeyami. Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Matyu 4:16

Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Jone 5:35

Jone baa isareŋe rao sinyi piyamosa nakama dokona karalana rae maiyuo kareyami.

Jone 5:39

Buku Baepole dokona letena renge kulisa kando nyerama lao suu pyapala nakama yaka letaminyi. Pii pyasi palipyamo yaka letaminyi doko nambasa suu pyao lenge.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

APOSELENA YULU 15:29

Imambu dupwa suu pyao mena pyao kiso maingi dupwa naa nalapape. Ranjama naa nalapape. Mena saape mange minyuo kondelyaminyipa kumungi dupwa naa nalapape. Enda kepo pii nalapape. Yulu dusipa kandokondali pyuo waso kararami ramo doko nakama elya pyuo kararami. Pii oteŋe karalapape.

APOSELENA YULU 17:11

Juu wambu dokona kareyami dupwa suu pingi mondo lao suu pyao kareyami. Nakama Tesalonaika Juu akali dupwame mondo lao suu pyao kara nayami dopale ingya naya. Dokona lao nakama pii lamaiyamo doko simwali yaka lao karapala baa kinyi letape lao Anatunya pii pyasi palamo doko yangama alemanji lao poraiyuo kandaro peteyami.

Ipuru 2:2

Anatumi wamba aŋala dupwa keta pii lamaiyamo dupwa mee kulisa ingyuo peya. Dokona lapome kamba leyami dupwana manda manjo randa nyiyami.

Jemesa 2:8

Anatunya lowa mupwa buku Baepole pyasi palamo dokona, Nakama range kando mona retenge doko makande minyuo wambu yango dupwa mona reto karalapape letamo. Dokona palyuo pirami ramo doko rolae ingyara.

1 Pita 1:10

Poropeta akali dupwame Anatu yuu mendepa namwana imambu lete wai pyao nyera renge doko wangu lakao karo kareyami.

1 Jone 5:10

Mendeme Anatunya Ikinyingi baa kapa ingingi lao suu pyapala mona maiyuo karara ramo doko Anatunya rolo lamaingi pii doko monarename lamaiyuo rolarasa pira. Mendeme Anatunya pii kinyi lalyamo lao suu pyaa nara ramo doko Anatu baa kyambo lenge lao suu pyarasa pira. Anatumi banya Ikinyingi dokona lao leyamo pii doko pii kinyi lao suu pyaa naramo dokome Anatu kyambo lao karamo lao suu pingi dopale palirasa pira.

3 Jone 1:6

Embame nyisinyi wambu dupwana lapo epapala Elyambu Pingi wambu dae petenge dupwa kando rolo lamaimi. Nakama dee sipurapala parami dokopa emba kando nyepala Anatumi rae mairali yulu dupwa pyakamyuo karo nyiso mondo lao karape.

Orepalaisane 2:28

Yuu yangama yangama yakena bui andake yoyo lenge nakama keta mairu. Bui yoyo lenge doko bui doloma nyuo enakaenge doko suu pyao nakama mupwa wakasa ingyuo parami dokonasa letamo.

Orepalaisane 22:16

Yesumi, Nambana aŋala mende pii dusipa Elyambu Pingi wambu keta sinya lao lamaiyala pena lapu letamo. Namba Dapitinya para pyao peyamo dokona ingyuo mandeyami. Namba yangama bui yoyowande renge dopale ingyuo karo.