2 Kiŋi 5:7 - Anatunya Buku Baepole Ole Testamene Pii Lapo dee Nuu Tesamene

⁷ Isaraele kiŋi dokome pepa doko yaka lapala baa mona nembo pako banya komau doko minyuo kanguo wama yaa, leya. Akipamo yuu Siria range kiŋi dokome nambame akali dake pyuo nyere lao suu pilyase? Baame namba Anatu lao suu pyao letena rengepe dee kumunginya rengepe dolapona porai renge doko namba keta palenge lao suu pilyase? leya. Doko angi rolae doko baame namba pipya laiya lambwali yaka lao suu pilyamo, leya.

2 Kiŋi 5:7 ပူးပေါင်းရင်းမြစ်များ

Jenesese 30:2

Jekope kando gyaa kata isare sukwa pyambwakamiyasa imbwuapala lao, Namba Anatumi emba wane manja nalase lao kurapu poraipyamo dokona karose? leya.

Jenesese 37:29

Enakana Urupene yuwale dokona palira lao kandala epeya dokona pali nayamosa baa kondome kumuo yanenge pepingi banya doko minyuo rokoya.

Jenesese 50:19

Dopa pyuo leyaminyipape Josepeme lao, Paka nalapape. Namba Anatupa manda manjo kara nalyo dokome nakama kapa laa naro.

2 Samyuele 1:11

Leyamo pii dupwa sepala Dapitimi baa kondome kumuo mona randapala banya komau dupwa minyuo pilyiya dee banya akali dupwa opetae dopako piyami.

2 Kiŋi 18:37

Dokopa Eleakimimoo Sepenamoo Joamoo mona randame kumapala nakamana komau dupwa minyuo pilyiyami. Pilyapala Asiria akali mupwa dokome leyamo pii dupwa Isaraele kiŋi doko lamaiyala peyami.

2 Kiŋi 5:6

Baame pepa minyuo peya dokona pii dopa lao paleya. Pepa dakeme nambana yanda singi akali mupwa Nemane lenge dokona lao langira. Embame banya rete rapa neyamo doko pyuo nyipili yaka lao suu pilyu.

Jeremaya 36:24

Dopa piyamopape kiŋi dokope panda banya akali mupwa dupwape lapo pii doko siyaminyi dupwa nakama pakame kumuo kondapala renge lao mende lasaka pyuo pii nayami.

Daniele 2:11

Emba kiŋi doko. Emba pii andake piso silini dokona mendemepe kapa isingi laa narami ingilyamo. Kapa laa naraminyipa mee bange anatuŋu lao lakandenge dupwame iki kapa langirami. Langiraminyipape nakamame mee wambu role pyao kara nange.

Osia 6:1

Wambu dupwame lao, Kamongo karamo dokona range mwua. Baame namwa randa joo piyamopape dee kinyi lete nyera ingilyamo. Dee baameko namwana yongo dupwana wua kakupi nyinyi piso piyamo kata dupwa baame yaki pyakara.

Nambase 14:6

Nanena ikinyingi Josua lengepe Kelepe Jepuna ikinyingipi yuu dokona waa kando kandala peyambinyi dolapome kondome kumapala nakambana komau minyuo kanguyambi.

Matyu 26:65

Dokopa purisi akali mupwa dokome banya range komau pee pingi doko minyuo pilyiya. Pilyapala, baame Anatunya lenge kambu dokona kokwa soo lalyamo. Akipamo dee akali lapome baasa kando lenako laramase? Baame Anatunya lenge kambu dokona kokwa soo lalamo doko nakamame selaminyi.

Luku 11:54

Baa pii koo kote laramali mende larape lao lyakaro iso kareyami.

APOSELENA YULU 14:14

Dokopa Banapasa Polepa dolapo dopa pilyaminyi leyaminyipa sepala nakambana komau minyuo pilyapala wambu netarena malu palyuo kareyami dokona sukusa puupae lao pao kee palyuo dopa leyambi.

Dutaronome 32:29

Yanda pimwai dupwame nakama akipamo anamasi minyiyamipi lao soo nyii nalyaminyi. Apa pyuo piyape lao soo gisa nalyaminyi.

Dutaronome 32:39

Namba doko iki Anatu ingyuo karo. Wakale dupwa Anatu angi mende daa. Nambame pyao kumasepala dee lete renge maingi. Nambame wambu pyao ranjama nyepala dee pyuo nyingi. Nambame pilyunu dupwa mendeme yanda pimwaiyarami ingya nange.

1 Samyuele 2:6

Kamongome pyao kumasepala dee lete nyingi. Baame wambu kumuo penge panda nembapala dee nyingiko.