2 Kiŋi 2:7 - Anatunya Buku Baepole Ole Testamene Pii Lapo dee Nuu Tesamene

⁷ Dokopa akali akalisa kingi pakimi nakamba peyambinyili pyuo moko minyuo ipwa Jotane dokona peyami. Dokopa Ilainja Ilaisapa ipwa repeta dokona imambu soo kareyambinyipa poropeta akali akalisa kingi paki dusipa mee umbisale kareyami.

2 Kiŋi 2:7 ပူးပေါင်းရင်းမြစ်များ

1 Kiŋi 18:13

Lapala dee lao, Enda Jesapele dokome Kamongona poropeta akali dupwa pyao kumakaya dokopa nambame akali andete mendaki (100) nyepala kananda lapona gurupu lama wasapala pingyu akalisa kingi paki (50) ingyapala yalu pyuo palena lapala nenge ipwape maipapu piyu doko emba see naese? leya.

1 Kiŋi 18:4

Dokopa enda Jesapele dokome Anatunya poropeta akali dupwa pyao kumakayamopa akali Opetaya dokome akali andete (100) nyiya. Nyepala kananda lapona gurupu lama wasapala pingyu akalisa kingi paki (50) ingyapala palena lapala ipwa nengepe maipapu piya.)

2 Kiŋi 2:15

Peyamo dokopa poropeta akali akalisa kingi paki Jereko range dupwame baa kandapala dopa lao, Ilainjana porainya renge doko Ilaisa keta palyamo, leyami. Dopa lapala nakama Ilaisa kando nyela pao nakama banya lenge kambu siyamo dokona pao ponga neyami.

2 Kiŋi 2:16

Ponga nao karo dopa leyami. Namwa dae akali akalisa kingi paki porai dasipa karamano. Namwa embena kamongo akali doko koto kandala mwua. Kamongona Imambu dokome baa minyuo pao yuu kyau mendenape panda yuu lama mendenape yaki nyuo mee karena lapala pasaraŋa rapisi leyami. Dopa leyaminyi dokopa Ilaisa isingi lao, Daa nakama dokona paa nalapape, leya.

2 Kiŋi 2:17

Dopa leyamopape nakama lao karalu kareyamisa epe naso makapala enakana dusale kapa koto kandala pena leyasa peyami. Papala akali akalisa kingi paki dusipame yuu gii rema nembo panda peparaena Ilainja koto kando papiyaminyipape baa kando nyii nayami.

2 Kiŋi 5:22

Dokopa Geyasi isingi dopa lao, Doko mende pii nalyamo daa, leya. Dopa piyamopape nambana kamongo dokome namba emba langyala puu lapyamo epelyo. Doko ene dakepa akali poropeta lapo yuu kyau Eporaime palenge dokona lama epambinyi. Dolapo imbinyi dokona Nemane baame nakama kana kulingi taosande rema (3,000) dee komau keyange lama maipili yaka letamo, leya.

2 Kiŋi 6:1

Yuu gii mendepa poropeta akali Ilaisamoo role yulu pyuo karenge dupwame baa kando mumu lao, Namwa yuu palimwa dake kamame kuki koo ingilyamo, leyami.

Emosa 7:14

Emosame pii isingi yano pyao dopa leya. Namba poropeta menge karaminyi dokore daa. Namba poropeta pii doko kana ropo pinya lao lenge dokore daa. Namba mena sipisipi dupwa isingi akali karo piki isa dupwa mondo lao iso karo pingi.

1 Samyuele 10:5

Dokopa emba Anatunya yuu kyau yuu Gipiya dokona singi dokona Pilisitia wambu dupwa komau anda pyuo palaminyi dokona pupi. Parene dokopa yuu taone dokona kambu konandowame dokona poropeta akali Anatunya pii nolako lenge dupwa yuu kyau kana pyare laro karenge dokona piso lupyuo epo musiki lao bange wakale wakale dupwa pyao eparaminyi kando nyere.