2 Kiŋi 2:4 - Anatunya Buku Baepole Ole Testamene Pii Lapo dee Nuu Tesamene

⁴ Enakana Ilainjame Ilaisa lamaiya. Kamongo dokome namba langyuo yuu Jereko puu lalamo dokona parowale. Emba dakena mee karena leya. Dokopa Ilaisame isingi lao, Nambame yuu peparae Kamongo lete karenge doko kando yaki nyii nao rape rape lao karenge. Dokona lao namba lalu lao langyuo, Emba yaki nyii naro, leya. Dokopa nakamba yuu Jereko dokona peyambi.

2 Kiŋi 2:4 ပူးပေါင်းရင်းမြစ်များ

1 Kiŋi 16:34

Doo baa yulu pyuo kareyamo gii dokopa akali Iyelo lenge yuu Betele range dokome yuu Jereko doko kamba waso piya. Kamongo dokome Josua Nanena ikinyingi keta lamaiyamuli pyuo Iyelo baame kana susa reteyamo dokopa banya ikinyingi mupwa Apirame doko kumuya. Dee kame kambu doko waso piyamo dokopa banya ikinyingi enakana Sekupu lenge doko kumuya.

2 Kiŋi 2:2

Peyambinyipa katasa pao Ilainjame Ilaisa dopa lamaiya. Kamongo dokome namba langyuo, Yuu Betele dokona puu lalamo dokona parowale. Emba dakena karena leya. Leyamopape Ilaisame isingi lao, Nambame yuu peparae Kamongo lete karenge doko kando yaki nyii nao rape rape lao karenge. Dokona lao namba lalu lao langyuo, Emba yaki nyii naro, leya. Dokopa nakamba yuu Betele dokona peyambi.

2 Kiŋi 4:30

Enda dokome Ilaisa lamaiyuo, Kamongo lete karenge dokope embape dolapona kingi lao nambame emba yaki nyii naro lao lalu lao leto, leya. Dopa lapala nakamba laparae dee kapu kyuo laeyo epeyambi.

Luku 19:1

Yesu yuu Jereko dokona suku suku peya.

APOSELENA YULU 11:23

Baa papala dokopa Anatumi nakama pyuo elyape keta piso nyisiya doko kandapala rae maiya. Nakamame Kamongo doko yaki nyii nao baa mona reto karalu kararama lao poraiyuo suu pyaokondali pipala pyuo karalapape, lao waipi lao nakama lamaiyuo kareya.

APOSELENA YULU 2:42

Dokopa nakamame aposele dupwana mana pii sokondali pyuo nenge yalya kando nao ateŋa lao pyuo peteyami.

Josua 6:1

Isaraele wambu dupwa repeta epeyamisa yuu Jereko dokona kana kame kambu dupwa upi lapala Isaraele dupwa epasaramiŋi lao poraiyuo kando kareyami. Dopa pipala mendali baa yuu taone doko yaki nyuo kama paa nana lao dee mendali kama karo andakare epa nana lao piyami.

Josua 6:26

Yuu gii dokopa Josuame repe repe pii lamaikondali pyuo lao, Wambu mendeme yuu taone Jereko dake kamba pira ramo doko Kamongome baa koo keta pisara. Dokona lao mendeme anda dokona pinya suu pyao kana susa retaramo dokona ikinyingi mupwa doko kumara. Dee mendeme kana kame kambu dupwa wasera ramo dokona ikinyingi enakana mandenge doko kumara.

Uruti 1:16

Dopa leyamopape Urutimi isingi lamaiyuo dopa leya. Nambame emba yaki nyii lao pisa napipi. Dopako pyuo embapa role pyao paa napipi lao kata rokwa napipi. Emba anja mendasa parene dupwana namba paro. Emba anja mendasa palirinyi dupwana namba paliroko. Embena wambu dupwa nambana wambuko dee embena Anatu doko nambana Anatuko ingyara.

1 Samyuele 1:26

Aname Ilai kando lao, Pii mende langirole lapala lamaiyuo, Namba enda mende dakena karo Kamongo lao ateŋa lao kareya kande dokoŋo lao kando soo gisa nalepe? leya.