2 Kiŋi 2:23 - Anatunya Buku Baepole Ole Testamene Pii Lapo dee Nuu Tesamene

²³ Ilaisa Jereko yaki nyuo kaeyo yuu Betele dokona panya peyamo dokopa katasa wane lapome taone dokona karo epapala giyalya giyana pyuo baa kando leyami. Nakamame pii poraiyuo lapala, Emba banakapa singinde dakena epa kae, leyami.

2 Kiŋi 2:23 ပူးပေါင်းရင်းမြစ်များ

Jenesese 21:9

Mange dokopa Serame kandeyamopa Isipi enda Eka Aporakame nyepala mandeya wane dokome Aisakepa role pyao male lao kareyambinyi kandeya.

2 Kiŋi 2:11

Nakamba kaeya nao pii lao kata pao peyambinyi dokopa aopa mena oseme ipyuo penge uliuli dopale mende isare rao epeya. Epapala nakamba peyambinyi kanya dokona isare rao kareya. Kareyamo dokopa poo raiya minyuo malawai lao epo Ilainja nyepala yake panda minyuo peya.

2 Kiŋi 2:2

Peyambinyipa katasa pao Ilainjame Ilaisa dopa lamaiya. Kamongo dokome namba langyuo, Yuu Betele dokona puu lalamo dokona parowale. Emba dakena karena leya. Leyamopape Ilaisame isingi lao, Nambame yuu peparae Kamongo lete karenge doko kando yaki nyii nao rape rape lao karenge. Dokona lao namba lalu lao langyuo, Emba yaki nyii naro, leya. Dokopa nakamba yuu Betele dokona peyambi.

2 Kiŋi 2:22

Ilaisame leyamuli pyuo yuu gii dokopa piso pao epapu ipwa kamame wakasa keyange ingyuo epenge.

Jopo 19:18

Namba roya karalono dokopa wane dupwame namba kando male male lao giyalya giyana pilyaminyi.

Poropepe 22:15

Wane wanake dupwame mee langa male male lao yulu kopetame pingi. Dopa piminyipape nakamame poraiyuo mana lao pyarami ramo dokopa nakama yulu rolae dupwana mana nyuo piramisa pira.

Poropepe 22:6

Dopa pyuo karapala wane doko apa pyuo palyuo karo pisa dokona mana lamai. Dokopa baa ando palyuo karo piramo yuu gii dusipana doko mende kandale lao suu pyale pyale karara.

Aisaya 1:4

Nakama mena kuiyalana pilyaminyi anda epenge dopale ingyuo karaminyi. Nakama yuu dakena wambu dupwa mona pali napyamo koona para pyasi wambu ingyuo pelyaminyi. Embena Isaraele wambunya Kamongo Poo Pyasi Anatu doko embame mata maiyuo kaelene. Koo pilini dokome emba nyuo isa pyakalopyamolamo lao silyu.

Jeremaya 20:7

Kamongo embame namba minyoko piinyipa namba minyoko pisi karalyono silyu. Emba keta porai palenge dokome nambapa manda manja nalyamo. Dokona lao wambu dupwame namba kando giyalya giyana pyuo nyuo male male lao karaminyi.

Jeremaya 20:8

Namba yuu peparaena pii lapunu yaka lao ee lao pii poraiyuo lao pilyu doko Randa Andake Epo Yuu Doko Kwaeyo Para ingilyamo lao lao karapunu pilyamo. Kamongo namba embena pii dokona lao lakao papipunu dokona namba kando yuu peparae giyalya giyana pyuo isa nembele lao letaminyi.

Jeremaya 7:18

Doko wane wanake dupwame isa ponale yapo nyuo malu palyilyaminyi. Akali dupwame isare pete wasilyaminyi dokopa enda dupwame mee bange kingimi wasisi enda anatu yake pandana kuini lenge dokona nenge palawa doko ipwa pipya pyaso minyapala nenge kyake wasakamilyaminyi. Dopa pipala nakamame namba randa jelana suu pyao ipwa waene dupwa kamame kulimbuo anatu wakale dupwa mailyaminyiko.

Osia 4:15

Dokonako ingyuo Isaraele wambu nakamame namba yaki nyilyaminyi Juta wambu dupwa dopako pyuo koo dopaleko pii nana. Yuu Gilikale dokonape yuu Betele dokonape misi lala pao Kamongo lete karenge dokona kingi lao lalu lao lenge pii dupwa lao pii nalapape.

Emosa 3:14

Nambame Isaraele wambu dupwa nakama yulu koo pilyaminyi dokona randa mairunu yuu gii dokopa yuu Betele dokona mena bangepe kiso maingi kana pyare dupwa pyao lalyanyi nembaro. Nembaronopa kana pyare paki pakipi pinjingi dusipa longalya longana pira.

Emosa 4:4

Kamongo Mupwa Andake Wakasa dokome Isaraele wambu dupwa kando dopa leya. Nakama yuu Betele poo pyasi dokona kaeya nao yulu koo pela pupenge ingiya kande doko pao yuu Gilikale dokona koo doko ando penale pyuo pupwape. Yuu peparae yangama dokopa mena yakape dupwa kiso maiyuo yuu gii rema epo papapiramo dokopa nakamana bange retelyaminyi dupwana akalisa dokona mendena mendena pyuo akalisa piramo doko longo minyuo epo pipwape, leya.

Emosa 5:5

Nakama yuu Biasipa dokona kingi wapambupi lakao misi lala paa nalapape. Yuu Betele doko buru bara paramo mena wambupi mende yapo rungi nyii naraŋa dokona namba karepe lao kotala paa nalapape. Yuu Gilikale dokona nakama paa nalapape. Dokona palenge wambu dupwa yuu wakale mendena karapusi pyuo lanyuo parami ingilyamo leya.

Emosa 7:13

Yuu Betele dakena poropeta pii kamba laa napipi. Renge doko kiŋinya misi lenge panda doko wambu peparaena tembole anda andake sipyamo pilyamo, leya.

Galasia 4:29

Yuu gii dokopa mee wane mandengenyili pyuo mandeyami dokome wane Anatunya Imambunya yulu palyuo manjo nyinya leyamo doko randa maiya. Dakepa yulu doko silyamo.

Ipuru 11:36

Nakama nyepala kilya kando lao pyarako pyao kiimbwapala karapusi anda pyambuyami.