1 Tesalonaika 4:6 - Anatunya Buku Baepole Ole Testamene Pii Lapo dee Nuu Tesamene

⁶ Dopako pyuo akali mendeme banya yango mende mata rukyuo pyao etengepa role pyao palyakami nara ingilyamo. Namwa wambo nakama repe repe langyuo Kamongome wambu yulu koo dopale pingi dupwa randa maira langiyama.

1 Tesalonaika 4:6 ပူးပေါင်းရင်းမြစ်များ

Ekesetase 20:15

Waa nyakami nalapape.

Ekesetase 20:17

Akali mendena anda awuapala nyipuli nyipuli lao suu pyaa nalapape. Banya etengepe kendemande akalipi mena bulamakaope mena dongepe dee banya bange wakale wakale silyamo dupwana mendepe nyipuli nyipuli lao suu pyaa nalapape.

Aisaya 5:7

Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Jeremaya 7:6

Karo wambu yuu wakale rangepe wambu muiyanepe enda waiyape dupwa isa palyili lao laa narami. Dee yuu dakena wambu kamenge karaminyi dupwa pyao kumaka nalapape. Dopa pipala nakama kokwa sisaraŋa mee bange kingimi wasisi anatuŋu lenge dupwa lakanda nalapape.

Lipitikase 19:11

Nakama mendena waa naa nao mendena bange doko pii panga soo nyakami nao dee kyambo pii laa nao pipwape.

Lipitikase 19:13

Nakamame mendalinya bange dupwa waa nyakamyuo pyao koo keta palya nalapape. Akali mendeme embena yulu pyakanya lao nyii kande dokopa yuu gii rolae dokopa banya yole maiyakamipi. Rakya jimwa lao reto yuu mendeko yanga napipi.

Maeka 2:2

Nakamame yuu mende mango nyimwali aiya lami ramo doko mee nyilyaminyi. Nakamame anda lapo mango nyimwali aiya lami ramo doko mee nyilyaminyiko. Dee nakamame wambu anda range dupwa pyao kokwa soo nembo bange dupwa minyarambu nyakamilyaminyiko.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Make 10:19

Mawa pii lenge dupwa emba singi kandale. Wambu pyaa nalapape. Endame akali wakale kepo pyakami nao akali mendeme enda wakale kepo pyakami nao pipwape. Waa nyakami nalapape. Kyambo laa nalapape. Panga soo nyakami nalapape. Endangi rakangepa rape rape lao karalapape, leya Yesumi.

Luku 12:5

Mende kando pakarami dokoŋo lao nakama repe repe langyuo leto. Doko Anatumi pyao kumakapala koo panda dokona kapa nembara doko kando pako karalapape. Kinyi langilyu, Anatu baa kando pakalapape.

Luku 16:28

Nambana yangonge kingi paki karenge dusipa yuu randa nenge dakena epa namili yaka lao repe repe lamaiyakala pena lape, leya.

Orome 1:18

Anatunya imbu singi yake panda piso neta epelyamo yulu koo dokonape isa wambu koo pyuo banya pii kinyi dupwa kalyamo karaminyi dupwa ketape pano epo palamo lao kandelyamano.

Orome 12:19

O yangonemoo nakama kando koo piyami kande dokopa isingi pii nalapape. Nakamame pirami doko suu pyao Anatunya imbu singi nakama keta palenale. Pii poo pyasi dokona lao dokopa, Nambame isingi pyakaro, nambame bakeme pyuo isingi pyakaro lao Kamongome letamo lao pyasi palamo.

Orome 13:4

Gapomane doko Anatunya kendemande ingyuo nakama kapa serami dokona yulu pyakalyamo. Yulu koo piri ramo dokopa gapomane kinyi pakare. Dokopa baame male lao nakama randa jerande daa. Angingyuo randa jera porai doko baa keta silyamo. Baa Anatunya kendemande ingyuo dokome yulu koo pingi dupwa keta Anatunya imbu singi doko gapomane keta nakama randa mainya epenge.

2 Korina 7:11

Anatumi nakamana mona kendayami dokona nyepala apa piya lao kandalapape. Dakepa nakama mona angi palyuokondali pilyamo. Koo pii nalyamano lao poraiyuo simili yaka lao letaminyi. Nakama koo pilyaminyi larami ramo doko imbwuarami. Imbwuapala koo pilyaminyi laka nanale. Dake mupwa wakasa lao poraiyuo suu pyapala namba kando mona andake retelyaminyi. Wambu menge dupwa koo pirami ramo dokopa waiya lao pyalana letaminyi. Yulu dake piminyi dokome nakama kopetame pii nayami lao pano nolakaya.

Galasia 5:21

Sisu nyuo suu pingi kwaelyamopa biya nao kyawa sisingi bolombalo lapala kepo pyuo kenane koo pyao yulu koo dopale dupwanako palyuo pingi. Dupwana lao nambame nakama wamba langiyunuli pyuoko langilyu. Dokona wambu yulu dopale pirami dupwame Anatunya isingi panda dorena kando nyii narami.

Epesasa 4:17

Kamongona kingi lao pii dake pyalana pyuo leto. Juu daa rara wakale see nao karenge dupwame kopetame suu pyao pyuo karaminyi dokona yulu dopale pii nalapape.

Epesasa 4:28

Waali dupwa deeko waa nyii nana. Waa nyii nao rangena kingi dolapome yulu andake pyuo rolae pyuo karena. Yulu andake pipala kakana seramo dokona nyuo wambu bange aeyange dupwa maiyuo karara.

Epesasa 5:6

Lapome epapala mee kambumi pii nupi soo larami dupwana waso karalapape. Koo dopale pyuo karo kamba letaminyi dupwa keta Anatumi kote lara ingilyamo.

Dutaronome 24:7

Mendeme Isaraele akali range yango dokona mende nyuo mee banya karapusi ingyuo kendemande yulu pyakana laope panda yuu wakale lapona karapusi ingyuo kendemande yulu pira lao maipala kana ropo pyao nyera ramo doko baa pyao kumakapenge. Dopa pyuo pirami kata dokome yulu koo doko ramanyi nembaramisa pira.

Dutaronome 32:35

Kamongome koo pirami dupwana bakeme pyuo isingi pyakamira Yuu gii nakama randa narami doko repeta ipyamo pilyamo. Dokopa isa paomene.

1 Tesalonaika 2:11

Namwame nakama rakangeme ikinyingi kando pinginyili pyuo pyuo kareyama.

2 Tesalonaika 1:8

Wambu Anatu see nangepe Kamongo Yesunya waili pii keyange warombo soo pisa nange dupwape Yesu banya aŋala porai dupwa pipya isare kekenge dokome randa maiyala eparami.

Ipuru 13:4

Enda yapo nyingi doko mee male male lao nyingi ingya nalyamo dokona ingyuo enda akalipi nyisi dupwame wakale kepo pii nalapape. Anatumi kepo pingi dupwa kote lara ingilyamo.

Ipuru 2:6

Anatunya buku dokona lao dokopa O Anatu, wambu dupwa akinde dokona embame baa suu pyale pyale karese? Dee wambu dupwa apimawaŋa lao embame ketae pyambuo karese? leya.

Jemesa 2:6

Nakambame pendewa dupwa kilya kandelyaminyi. Dopa pyuo pilyaminyoko doŋo kamongo dupwame nakama keta mangena minyuo randa joo kote laa nalyamisi?

Jemesa 5:4

Nakamana yulu akali ee pyakao karaminyi dupwana yole angi ingyuo mai napala pingyakamiyami dokona nakama kando lasara. Ee dupwana nenge manjakao pyuo karaminyi dupwame mumu letaminyi doko Anatu Kamongo Porai dokona kale katana palyuo karamo.