1 Tesalonaika 3:9 - Anatunya Buku Baepole Ole Testamene Pii Lapo dee Nuu Tesamene

⁹ Pii doko sepala dakepa nakama keta Anatu kando sangyu letamano. Namwame Anatunya lenge kambunya karo nakamana yulu rae maipala sangyu letamanoko.

1 Tesalonaika 3:9 ပူးပေါင်းရင်းမြစ်များ

2 Samyuele 6:21

Dokopa Dapitimi isingi lao, Namba doo pipunu dupwa Kamongona kingi ketae nembo pipu. Embena rakanepe dee embena ree palupi dupwana panda nyuo namba banya Isaraele wambu peparaena kiŋi ingyuo rombo palyiya. Dokona namba rae maiyuo wamya lyuo pyakalyuo pyao Kamongona kingi ketae nembo ene pyuoko paro ingilyamo.

Niyamaya 9:5

Lipae rara dupwa ateŋa lao piyami dokona wambu dupwa dopako pyuo misi lao pinya leyami. Jesuamoo Katemele Bani Asapenaya Serepaya Otaya Sepanaya Petatayamoo dusipame lao, Roya karapala nakamana Kamongo Anatunya lao kingi lakandalapape. Baa yuu peparae lakando karalu karalapape. Karapala mee akalimi ingyuo embena kingi kapa lakanda nalyaminyipape Kamongo embena kingi neta renge doko wambu peparaeme angi ingyuo lakandenale.

Samu 116:12

Kamongo baame nambapa lao yulu keyange pilyamo dokona aki mende banya pipakamiwane lao sepa nalyo.

2 Korina 2:14

Anatu kando sangyu lao karamanale. Namwa Koraisapa pako karo Anatumi namwa kata laminyipya Koraisame nyuo anamasi minyiyamo dokona namwame anamasi minyilyako lao karamwasa pilyamo. Kyaa keyange neta raeyo penge doko suu pyao Anatumi Koraisa dokona lao wambu peparae serami lapala namwa keta banya pii raeyo lamailyamo.

2 Korina 9:15

Anatunya renge ama mupwa wakasa mende jiyamo dokona lao sangyu lamanale.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:2

Yuu dokona nakama nyuo palirami dokona wambu dolomame yuu kyaupi yuu kungyupi isa renge isarenape nakamana anatu menge lakandelyaminyi panda dupwa peparae pyao kokwa serami.

1 Tesalonaika 2:19

Kamongo Yesu dee epo kararamopa namwa banya lenge kambu dokona karo yulu andake pipala nakama sukusa nyiyama doko suu pyao rae maiyuo lao kararama.