1 Tesalonaika 2:1 - Anatunya Buku Baepole Ole Testamene Pii Lapo dee Nuu Tesamene

¹ Yangonemoo namwa epeyamano dokopa mee ingyuo paa naya nakama silyaminyi.

1 Tesalonaika 2:1 ပူးပေါင်းရင်းမြစ်များ

Jopo 39:16

Baame banya kapa retenge dupwa banya lao suu pyaa napala banya yulu andake doko mee ingyuo paralyamo lapala saka nalyamo.

Samu 127:1

Kamongome anda doko pii naramo anda pingi akalimi iki sisu lao pirami ramo doko nakamana yulu doko mee ingyuo para. Kamongome taone doko kando iso kara nara ramo dokopa akali taone iso kararami dupwa mee ingyuo para.

Samu 73:13

Namba mondo lao waso karo mona yapasi silyamo dee nambana kingi dokome koo mende pii nalyo. Doko mee ingyuo parase?

Aisaya 49:4

Nambame lao, Nambame yulu pipunupape mendena ketae ingyuo pwamoŋo, leyo. Nambame yongo kisinyi nembo nambana porai renge dokome yulu pipunupape angi mende pyuo kapa pali nalyo. Dopa pipunupape nambame Kamongo keta kamame pyuo pyamalyuo pilyu dokona baame yulu pilyunu dupwana yano jera.

Aisaya 65:23

Yulu pirami dupwa mona karo andaramopa nakamana wane wanakepe dupwa randa andake nyii narami. Nambame nakamape dee ene manjo para pyao paraminyi dupwape yuu gii ene eparamo dupwana elyape keta piso puu paro.

Apakuku 2:13

Wambu nakamame nyuo anamasi minyiyami dupwa mee nakamame kumuo yulu andake piyaminyipa angi piyami dupwa isareme rao ote piya. Doo piyamo doko Kamongo Porai Wakasa dokome piya.

1 Korina 15:10

Dopa pipyamopape Anatumi mona keyange palyuo ipingi renge dokome namba dakepa aposele angingyuo karo. Baa anjiki pyuo yulu andake pyuo nyisiyamo doko mee isa paa naya. Isa paa nayamopa namba yulu andake pyuo aposele doloma nyuo enakayo. Dopa pyuo piyu doko namba rangeme pii nayo. Anatumi anjiki pipala nyisiyamo dokopa kapa piyu.

1 Korina 15:2

Pii langiyu doko waili pii keyange doko mee langa soo nyii nayami. Dokona lao nakama yaki nyii napala suu pyale pyale parami doko nakama lete wai pyao paramisa pira.

1 Korina 15:58

Yangonemoo dokona lao nakamame kaeya napala poraiyuo karalapape. Kamongona yulu pilyaminyi doko mee pyuo nemba narami dokome yuu peparae Kamongona yulu imambu see nao pyulu pyuo pyuo karalapape.

2 Korina 6:1

Namwana yulu Anatumoo role pyao pyuo karamano dokona nakama piso sokondali pyuo lao, nakama Anatunya mona keyange palyuo ipingi renge doko nyepala dokopa kokwa see nalapape letamano.

Galasia 2:2

Namba dokona mee peyonde daa. Anatumi pupili lao langiyasa peyo. Doko namba Elyambu Pinginya mupwa dupwamoo pipya wato leyami dokona nambame waili pii Juu daa rara wakale dupwa polo lamaiyuŋu lao lamaiyu. Nambana yulu dakepape dee wambo piyunupape dupwana mee ingyuo paa nana lao suu pyao peyo.

Galasia 4:11

Dokona namba yulu andake pyuo pii langiyunu dupwa mee ingyuo pasaramo lao pakalyo.

Pilipai 2:16

waili pii wambu lete wai pyao nyingi doko lamaiyuo karalapape. Dopa pyuo pirami ramo doko Koraisa epara yuu gii dokopa nakamana lao suu pyao rae maipala lakandaro. Dokome nambame yulu andake pyakayono doko mee ingyuo paa naya lao pano lasaka pira.

1 Tesalonaika 2:13

Renge mendena opetae yuu peparae Anatu sangyu letamano. Namwame Anatunya waili pii minyuo epeyamano doko soo nyiyami. Pii leyama doko mee wambunya pii lao masa nao Anatunya piilyamo lao soo nyiyami. Pii soo nyiyami doko Anatumi angiko. Anatumi nakama Kurisene wambu sukusa dokona yulu pyuo porainyi pyambuo karamo.

1 Tesalonaika 3:5

Dokona lao nambame Timoti pena lamaiyu. Isaro karo mona kendapala nakama porayapala kapa karamipi lao kandala pena leyo. Sataneme nakama makande pyuo neta nyeramopa yulu andake piyama doko mee ingyuo para doko kapa daa lao suu piyama.

2 Tesalonaika 1:10

Baa eparamo dokopa banya wambu baa kapa ingingi lao suu pyao karenge dupwame banya kingi ketae pyambuo lakandarami. Dokopa nakama waili pii langiyama doko soo nyiyami dokona nakama opetae role pyao kararami.

2 Tesalonaika 3:1

Yangonemoo epapu pii lumwa pyuo leto. Doko nakama Kamongo Yesunya waili pii keyange waiya lao sepala Anatu lakandeyami. Doko suu pyao yuu muu wakale dupwana wambu peparae waiya lao soo nyepala Anatu lakandarami dokona ateŋa lakalapape.