1 Tesalonaika 1:7 - Anatunya Buku Baepole Ole Testamene Pii Lapo dee Nuu Tesamene

⁷ Nakama yulu keyange piyami dokona Kurisene wambu yuu Masetonia rangepe yuu Girisi range dupwape nakamana yulu kandapala piyaminyili pyuo pyuo kareyami.

1 Tesalonaika 1:7 ပူးပေါင်းရင်းမြစ်များ

APOSELENA YULU 1:13

Pao andakare papala anda ketae koe luu palenge dokona pulyuo peyami. Pitamoo Jone Jemesa Enduru Pilipa Tomasa Batolomyu Matyu Jemesa Aopiasana ikinyingi doko, Saimone Selote akali doko, Jutasa Jemesana ikinyingi dokomoo role pyao pulyuo peyami.

APOSELENA YULU 16:12

Papala yuu Pilipai dokona peyama. Yuu Masetonia dokona Pilipai taone doko mupwa ingyuo singi. Yuu dokona Orome yanda singi akali malu kareyami. Namwa yuu lamasa taone dokona kareyama.

APOSELENA YULU 18:1

Enakana Poleme yuu Atenesa yaki nyepala yuu Korina dokona peya.

APOSELENA YULU 18:12

Lao kareyamopape Galio yuu Akaya dokona kyapo mupwa ingyuo rombo palyiyami gii dokopa Juu wambu dupwame mendakinya palyuo lapala Pole pyalana pyuo nyepala lanyuo kote lenge anda dokona peyami.

APOSELENA YULU 19:21

Dopa pipeyamopa Pole Imambu dokome renge kuiyamopa yuu Masetonia yuu Akayape dolapona sukusa pao yuu Jersaleme paro lao suu pyalu pyao piya. Yuu dokona papala enakana yuu Orome doko opetae kandaro ingilyamo leya.

Orome 15:26

Yuu Masetonia Giriki Elyambu Pingi wambu dupwame Jerusaleme Elyambu Pingi pendewa wambu dupwa mee rae maiyuo kana mainya lao mairamilyamo.

2 Korina 1:1

Namba Pole Anatumi rombo palyiyamo dokona Koraisa Yesunya aposele akali ingyuo karo. Namba Timotipa pepa dake pyao jilyambano. Nambwa pepa dake pyao Anatunya Elyambu Pingi yuu Korina dokonape dee Anatunya wambu peparae yuu Girisi karenge peparaepe pyao jilyambanoko.

2 Korina 9:2

Nakama waa waa karo nyisalana karaminyi doko silyu. Nyisalana karaminyi doko sepala nakamana lao yuu Masetonia wambu rae maiyuo mona anda pyakalyuo pyao lamaiyuo kareyo. Ee kana wambo dokona piso pao epapu dakepa nakama Korina Kurisene yuu Girisi karaminyi dupwame nyisalana karaminyi, dokona lao lamaiyakayo. Nakamame mona nyepala nyisalana piyaminyi dokome wambu malunya monarena piya.

1 Tesalonaika 1:8

Kamongona waili pii nakama keta raeyo peya doko yuu Masetonia Girisipana iki daa. Nakama Anatu kapa ingingi lao suu piyami doko yuu muu peparaena lao peya. Dokona namwa aki mende konda pyuo laramase?

1 Tesalonaika 4:10

Mana langiyamopa nakama yuu Masetonia peparae dokona sukusa wambu yango dupwa peparaena lao mona reteyami. Yangonemoo yulu mondo lao piyami doko suu pyao epapu andarele pipwape lao laokondali pyuo letamano.

1 Timoti 4:12

Emba wanyane akali lapala wambu lapome emba pirinyi dupwa kando epekanda nasarami kando lao yulu auwo kandaramili dupwa iki yapo piri. Pii laope wambu yango mona retope Anatu kapa ingingi lao suu pyao karo emba kando laa naramili dupwana palyuo rolae pyuo karape.

Taitesa 2:7

Embame range yulu keyange dokona nyiso pyuo wambu yango dupwa lasaka pingi ingyuo karare. Pii angi dupwa suu pyao mana lamaipala mee langa male lalya lana pyuo laa napipi.

1 Pita 5:3

Anatunya wambu emba keta pyamalyisi dupwa kando nyuo isa palyili lao kara napala sipisipi peparaena kauwange ingyuo karare.