1 Samyuele 8:11 - Anatunya Buku Baepole Ole Testamene Pii Lapo dee Nuu Tesamene

¹¹ Dapa pyuo nakamana kiŋi dokome rapu pyakara lao, Samyueleme polo lamaiya. Kiŋi dokome nakamana ikinyingi dupwa nyepala ami ingyuo rombo palyuo nyera. Lapo dupwa mena oseme ipyuo penge uliuli dupwana piso yanda pela parami. Dee lapo dupwa mena osena mata dupwana piso yanda pela paramiko. Dee lapo dupwa uliuli paraminyi lenge kambu dokona wambo makando pao kararami.

1 Samyuele 8:11 ပူးပေါင်းရင်းမြစ်များ

2 Samyuele 15:1

Dokopa enakana akali Epesalome baa rangena mename ipyuo uliuli piso paenge mende nyuo dee mena ose lapo nyuo piya. Dee yanda singi akali akalisa kingi paki (50) baa paramo dokona role pyao baa lanyuo parami dupwa nyiyako.

1 Kiŋi 1:5

Dokopa akali Epesalome baa kumuyamo dokopa akali Atonainja lenge Dapiti Akitipana ikinyingi doko wane mupwa doko baa kuma nao mee lete ando kareya ingiya. Baa akali elyape ingyuo ando kareya Dapitimi wane doko pyalana pyuo laa nange. Dokona Atonainja baa kiŋi karapuli lao suu pyao kareya. Baame mename uliuli ipyuo pengepe mena osepe dupwa baa rangena lao reteya. Dee baa rapu pirami akali dupwa akalisa kingi paki karo piyami.

1 Kiŋi 10:26

Solomoneme mena oseme ipyuo papingi uliuli taosande mendaki andete kisima (1,400) waso dee mena ose yanda singi pisapa pingi dupwa taosande akalisa ipisu lama (12,000) waso reteya. Dupwana lapo yuu Jerusaleme dokona reto dee lapo yuu taone wakale wakale dupwana reto piya.

1 Kiŋi 12:10

Leyamo dokopa nakamame isingi lamaiyuo lao, Dake embame lamaipingili. Nambana kingi kuki dakepa nambana rakanena ingi rombape dokopa manda daa lao lamaipi.

1 Kiŋi 12:4

Embena rakane Solomoneme namwa randa joo kenda dupwa namwa keta reteya. Embame kenda dupwa kukyuo yaepo namwa awa awa pyuo karalapa lao lao piri ramo doko namwa emba rape rape lao embena yulu pyakarama, leyami.

1 Kiŋi 18:46

Dokopa Anatunya porainya renge dokome Ilainja keta epeyamopa kandokondali pyuo banya komau awali lao gii lao wapupala kiŋi Ayape peyamo dokona baa wambo makando kata pao yuu Jeserele kame kambu dokona peya.

1 Samyuele 10:25

Samyueleme wambu dupwa kando kiŋi dokome yulu kapa piraliŋi lao polo lamaiya. Dopa pipala enakana pepa dokona pyao palyiya. Palyiyamo dupwa Anatunya panda poo pyasi dokona pyao reteya. Retapala dokopa wambu dupwa anda pena leya.

1 Samyuele 14:52

Yuu andarele lama baa karapala Soleme Pilisitia wambu dupwa ama poraiyuo pyao kareya. Pyao karo dokopa akali porai paka nange mende baa kando nyiyamo dokopa banya yanda singi karena leya.

1 Samyuele 8:9

Dokona lao, Nakamana pii dupwa sakamipi. Dopa pyuo serenepape embame ama poraiyuo nakama repe repe pii lamaiyuo dee apa pyuo nakamana kiŋi dupwame isarami lao lamaipi, leya.