1 Samyuele 7:9 - Anatunya Buku Baepole Ole Testamene Pii Lapo dee Nuu Tesamene

⁹ Dokopa Samyueleme mena sipisipi kumambona mende peparae pyao kiso Kamongo maipala dokopa baame Isaraele wambu dupwa nyisinya lao loma siya. Dokopa Kamongome loma siyamo dokona isingi yano pyakamiya.

1 Samyuele 7:9 ပူးပေါင်းရင်းမြစ်များ

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Dutaronome 9:26

Dokopa nambame ateŋa lao, Kamongo Mupwa Wakasa doko emba rangena wambu embena porainya renge dokome alya minyuo yuu Isipi karo lanyuo epee dupwa pyao kumaka napipi.

Jemesa 5:16

Dokona ingyuo nakama mendeme mende kando nakamana koo dupwa polo lamaipala ateŋa lakamyuo kararaminyi dokopa nakamana anga dupwa mee ingyara. Akali rolae pingi dupwana ateŋa larami dokome yulu andake pyuo angi kandara.

Jasi 6:26

Yuu mundu ketae dakena embena Kamongo Anatu dokona lao kana pyare lasi keyange mende wasape. Wasapala isa pote doko kando enda kingi Asera lenge anatuŋu lao lakandenge pyakepapinyi doko isa ingyuo kisapala mena bulamakao kali lapo doko nyuo kana pyare lasi dokona pyao yangape.

Jasi 6:28

Yuu gii yangama dokopa wambu yuu taonena palenge dupwa wamba kukwa sipurapala nakamame anatu angi daa kingi Bealo lenge dokona mena pyao kiso maingi kane pyare lasi dokope dee isa pote kando enda kingi Asera lenge anatuŋu lao lakandenge pyakepasi siyamo kandeyami. Dee mena bulamakao kali lapo ingyuo doko kana pyare lasi enenge piyamo dokona yangasi siyamo doko kandeyami.

1 Samyuele 10:8

Dokona emba wambo yuu Gilikale dokona pao karape. Yuu dokona nambame emba kando nyepala mena pyao kisinyi nembope dee wambu mona mendaki palyinyi pyambuo mena pyao kiso piru. Dokona nambame epapala emba dopa pii lao mana langiruŋu yuu gii yanda ipingi doo isaro karape.

1 Samyuele 12:17

Epapu doko panyi pilyamo. Dopa pipyamopape nambame ateŋa laro dokopa Kamongome apunda peyo yuu gala lao pira. Dopa piramo dokopa nakama baa kiŋi mende jinya lao piso siyami doko Kamongo keta koo andake piyamalyamo lao soo gisarami, leya.

1 Samyuele 16:2

Samyuele piso soo leya. Apa pyuo namba doko pirusi? Soleme sera ramo doko baame namba pyao kumakara, leya. Leyamo dokopa Kamongome isingi lamaiya, Bulamakao ikyane dokona mende nyepala lanyuo pao baa lamaiyuo, Namba Kamongo bange kiso maiyala epelyo, lape.

1 Samyuele 2:35

Nambame purisi mende yulu kare kare soo pyuo dee nambame yulu peparae suu pilyu dokona moko minyuo pirande kando rombo palyaro. Nambame baa para pyao nyeraminyi dupwape kiso mairunupa dupwame yuu peparae nambame kiŋi mende rombo palyarono lenge kambu dokona nambana yulu pyakao kararami.

1 Samyuele 7:17

Dokopa enakana banya rangena yuu Orama dokona kapu kyuo peya. Dokona papala baa kote soo yulu dopaleko piya. Pipala yuu Orama dokona baame mena pyao kiso maingi kana pyare mende Kamongona lakamiya.

1 Samyuele 9:12

Dokopa wanake dupwame isingi lao, Waa baa karamo. Ene dae baa wambo pelyamo. Nakamba waiya lao parambi ramo doko pao baa ralingi nyerambi. Nakamba yuu taone dokona aopa papala baa kando nyerambi. Doko wambu dupwa yuu kyau dulunya kana pyare lasi dokona mena pyao kiso mairamindena baa epapu taonena epamo. Baame wambo nenge naraminyi dupwana elyape keta pisinya lao loma singi dokome wambu nenge nala epena lapyamo dupwame wambo nenge napa naraminyipa baa para. Dokona lao nakamba dakepa parambi ramo doko baa yuu kyau dokona nenge nala papa naramopa kando nyerambi, leyami.