1 Samyuele 7:6 - Anatunya Buku Baepole Ole Testamene Pii Lapo dee Nuu Tesamene

⁶ Dokona nakama peparae yuu Misipa dokona pao malu palyuo peteyami. Pisipala nakamame ipwa dupwa ipwa yuwale pete singi dokona kamuo nyepala Kamongona kingi lao kulimbuo dee yuu gii doko nenge wasaka pyuo piso piyami. Dopa pipala nakamame lao, Namwame Kamongona lenge kambu dokona koo piyama kande leyami. (Doko yuu Misipa dokona Samyueleme Isaraele wambu keta randa paleyamo dupwa kote soo rolakamiya.)

1 Samyuele 7:6 ပူးပေါင်းရင်းမြစ်များ

Jenesese 31:49

Lapaneme deeko lao, Rali pyuo paramba dokopa Kamongome nambwa kando iso karena, leya. Dokona lao yuu doko Misipa lenge.

1 Kiŋi 8:47

embena wambu dupwana ateŋa laraminyi doko sakamipi. Yuu dokona nakamana koo dupwana lao kondapala polo lao kopetame kareyami dupwana lao ateŋa leyami kande dokopa, O Kamongo nakamana ateŋa doko sakamipi.

Niyamaya 9:27

Dokona embame nakamana yanda pimwai dupwame nakama anamasi minyapala iso karena lao pii. Nakamana randa nyepala emba nyisapili lao kee leyami dokopa embame yake dokona piso nakamana pii sepala nyiso karee. Embame kondo sakame kumungi dokome nakamana nyisu petenge dupwa keta kiiramo nyeramiŋi lao akali mupwa dupwa mai.

Jopo 3:24

Namba nenge nenge kandale doko suu pyao mee ee lao yanga mangau lao karo. Namba ota nao mona rando ŋee lao karalu karo.

Jopo 42:6

Dokona lao namba pii peparae lapunu dupwana elyalyo dokona kondome kumuo pee awaipi pyapala pisiru, leya Jopome.

Samu 119:136

Wambu dupwame embena mawa pii doko minya namisa nambana ee doko ipwa ingyuo guu lao karapyamo karo.

Samu 42:3

Kukwa korakamape ee lao karapusa ee ipwange dokome nenge ingyuo sikya pilyamo. Dopa pipyamodokopa nambana yanda pimwai dupwame piso soo, Embena Anatu doko anja karamo, lao karaminyi.

Jeremaya 31:19

Namwa emba mata joo peyamanopape dee range epanya piyama. Embame namwa randa jiinyi dokopa namwa rangeme kyawa suu lao kondome kumuyama. Doko namwa enye wane parange karo yulu koo dupwa piyama dokona elyayama.

Jeremaya 36:9

Ee kana kingi paki kana mange mendaki karo dokona akali Jiyoakwimi baa Juta wambunya kiŋi ingyuo kareya. Dokopa wambu dupwa Kamongome rae maiyuo karena lao pilyamano lapala nenge wasaka pyuo kareyami. Wambu Jerusaleme palenge dupwape dee wambu dupwa yuu Juta taone dupwana piso epeyami dupwape peparae nenge naa nayamiko.

Osia 5:1

Nakama purisi dupwa dake selapape. Isaraele wambu dupwa pii dake kale yukupala selapape. Nakama kiŋinya ree palu dupwa selapapeko. Nakamame kote dupwa rolae lapenge lyakande. Dokona nakama keta kote palira ingilyamoŋo kando karalapape. Yuu Misipa yuu kyau Tapo dolapona nakamame wambu nyuo koo keta palyalana anga pyuo kone makasi ingyaro silyaminyi.

Joele 2:12

Dopa piramopape epapu dakepa Kamongo dokome lao, Nakamana koo dupwana angi poraiyuo suu pyaokondali pyuo kondapala nenge naa nao ee lao yamarangyuo kondome kumuo namba karo dokona kapu kyuo ipupwa, leya.

Lipitikase 16:29

Nakamame yuu gii doko kame see napala minyuo karalu kararami. Kana yanda ipingi dokona yuu gii akalisa dokopa Isaraele wambu rangepe dee karala papingi dupwa nakama role pyao palaminyi dupwape nenge wasaka pyuo yulu minyanda nao mee pisirami.

Luku 15:18

Kala rakane karamo dokona papala dokopa dopa lamairu. Rakane nambame yake panda kandope dee embena lenge kambu dokonape yulu koo piyu.

Jasi 2:4

Aŋalame dopa leyamo dokopa Isaraele wambu peparae pii doko sepala nakama ee leyami.

1 Samyuele 1:15

Dopa leyasa Aname isingi lao, Akali pii doko kinyi letende daa. Namba biya mende naa napu. Namba randa nyepala Kamongo baa keta ateŋa lao polo lamaiyalono.

1 Samyuele 10:17

Samyueleme wambu dupwa yuu Misipa dokona nyuo malu palyuo misi andake lamana epena leya.

1 Samyuele 12:10

Dokopa nakamame Kamongo kando ee lao nyisinya lao lao, Namwa Kamongo emba mata joo pyao mee bange wasisi anatu kingi Bealo lenge dupwa lakando dee mee bange enda anatu kingi Aseta lenge doko lakando piyama dokona namwa koo piyama. Dokona namwana nyisu petenge dupwa pipya kingi raka lao kyawa lete nyepe. Dokopa namwame emba lakandarama, leyami.

1 Samyuele 7:15

Samyuele lete palyuo kareyamo dokopa Isaraele wambu dupwana mupwa ingyuo iso karo pao kumuya.