1 Samyuele 7:4 - Anatunya Buku Baepole Ole Testamene Pii Lapo dee Nuu Tesamene

⁴ Leyamo dokopa Isaraele wambu dupwame nakamana mee bange anatu kingi Bealo lenge dupwape dee mee bange anatu enda Aseta lenge dupwape nyisa nembapala Kamongo doko iki lakandeyami.

1 Samyuele 7:4 ပူးပေါင်းရင်းမြစ်များ

1 Kiŋi 11:33

Nambame doo pirunu renge doko Solomone baame namba mata joo yuu wakale range anatu lakandeya. Baame mee bange enda anatu kingi Asetate lenge yuu Saitone range doko lakando dee mee bange anatu kingi Kemosa lenge yuu Moape range doko lakando dee mee bange anatu kingi Milokome lenge yuu Amone range doko lakando piya. Dopa pipala namba warombo see nao baa yulu kopetame pyuo dee banya rakange Dapitimi piyamo doko suu pyao nambana lowa pii mawa piipi dupwa minyuo pyuo kara nalyamo.

1 Kiŋi 8:48

Tembole anda nambame embena lao pyakayono dokope embame namwana rora ambasupi yuu mainyi dakepe dee yuu taone embame rombo palyiinyi dakepe dupwana kandaro piso yuu dokona angi kinyi nakamana koo dupwana polo lao ateŋa larami ramo dokopa

2 Kiŋi 23:15

Dopa pipala kiŋi akali Jeropome akali Nepetena ikinyingi dokome Isaraele wambu dupwa kata koo lasaka pyuo yuu Betele dokona lakandenge panda doko kiŋi Josayame pyao lalyiya. Lalyapala Josayame kana pyare doko ipyuo nyepala kana dupwa lalyuo muu muu pipala yuu inginyi nembeya. Baame opetaeko isa pote poo pyasiŋi lao mee bange enda anatu kingi Asera lenge kingi lao lakandenge doko kisinyi nembeya.

Osia 14:3

Asiria wambu dupwame namwa nyisa naraminyipa dee yanda pingi mena ose dupwame kyawa minya naramiko. Namwame namwana isa kanapeme wasisi dupwa nakama namwana anatuŋu lao laa naramako. O Kamongo, embame wambu mendalimi nyisara ingya napyamo karaminyi dupwa sakame kumuo nyiso karenge.

Osia 14:8

Isaraele wambu dupwa nakamana isa kanapeme wasisi dupwana lao mende piraminde daa. Nambame nakamana ateŋa dupwana isingi yano pyakao nakama rapu pyuo piru. Pipala nambame isa yoko kyako ando karalu karenge dopale ingyuo nakama keta sinyinyi peyakaro. Namba nakamana bange elyape dupwana ipwa ingyuo guu lao karakalyo.

Jasi 2:11

Enakana Isaraele wambu dupwa Kamongona lenge kambu dokona yulu koo pyuo anatu angi daa kingi Bealo lenge dupwana yulu pyuo kareyami.

Jasi 2:13

Nakamame Kamongo Anatu kando dee kingi ketae pyambuo lakanda nao dokopa wambu wakalena kyambo anatu Bealo Asetatepa lenge dolapona lao yulu pyuo kareyami.

1 Samyuele 7:3

Samyuele Isaraele wambu dupwa lamaiyuo lao, Nakamana suu pingi monape peparae Kamongo keta pyamalyapala kapu kyuo baa karamo dokona panya suu piyami kande dokopa yuu wakale range dupwana mee bange anatu lenge dupwape dee mee bange anatu enda Aseta yale lao pyuo waso lakandenge dupwape neta nembalapape. Nembapala dokopa nakama peparae Kamongo maiyalu maiyuo maipala baa iki lakandalapape. Dokopa baame nakama Pilisitia wambunya porai doko anamasi minyuo kingi raka lao nyera, leya.

1 Samyuele 7:5

Dokopa Samyueleme Isaraele wambu dupwa peparae yuu Misipa dokona pao malu palyinya, leya. Lao dokopa, Yuu dokona nakamana lao Kamongo kando ateŋa lakaro, leya.