1 Samyuele 7:1 - Anatunya Buku Baepole Ole Testamene Pii Lapo dee Nuu Tesamene

¹ Dokona lao yuu Kiriate Jirimi wambu dupwame Kamongona Kana Minyuo Lalu Lao Lenge Pii Palenge Bokote nyepala soo pao yuu kyaunya palenge akali Apinatape lenge dokona anda peyami. Dokopa wambu dupwame banya ikinyingi Eliasa dokome iso karena lao rombo palyiyami.

1 Samyuele 7:1 ပူးပေါင်းရင်းမြစ်များ

Samu 132:6

Yuu Beteleme dokona Kana Minyuo Lalu Lao Lenge Pii Palenge Bokote doko silyamo dokona leyaminyi siyama. Dee yuu Jirimi dokona siyamo dokona kando nyiyama.

Aisaya 52:11

Nakama tembole anda dokona bange singi nyuo penge dupwa yuu Bapilone yaki nyuo kandokondali pyuo ipupwape. Dopa pipala bange koo palenge dupwa minyandasaramano kando lao waso karo nakama range poo pyasi ingyuo karapala yaki nyuo ipupwape.

1 Samyuele 6:21

Nakamame wambu lapo pii wai minyuo yuu Kiriate Jirimi wambu dupwa lamaila pena lao lao, Pilisitia wambu dupwame Anatunya Kana Minyuo Lalu Lao Lenge Pii Palenge Bokote doko nyuo peeyami. Nakamame nyela epena leyami.

1 Samyuele 7:2

Kamongona Kana Minyuo Lalu Lao Lenge Pii Palenge Bokote doko taone Kiriate Jirimi dokona mee soo kareyamopa ee kana akalisa lama epo peya. Yuu gii dusipana Isaraele wambu dupwa Kamongome nyisinya lao ee lao kareyami.