1 Samyuele 6:17 - Anatunya Buku Baepole Ole Testamene Pii Lapo dee Nuu Tesamene

¹⁷ Pilisitia wambu dupwame kana golome amungi yale wasisi kingi paki nakamana koo dupwa kame sakana lao Kamongo maiyami. Kana maiyaminyi dupwa yuu taone Asotepe Gasape Asekelonepe Gati dee yuu Ekeronope dusipana mendaki mendaki lao nyepala maiyami.

1 Samyuele 6:17 ပူးပေါင်းရင်းမြစ်များ

2 Samyuele 1:20

Dopa pipya lao yuu Gati dokonape dee yuu taone Asekelone kata barete dupwanape arome pyao laa nalapape. Dee Pilisitia enda dupwa rae mainyi pyambwa nalapape. Dee anatu lao suu pyaa nange wambu dupwana wanenge dupwa rae mainya laa nalapape.

Emosa 1:6

Kamongo dokome leya. Gasa wambu dupwame yulu koo kamba pyuo pyuo pilyaminyi dokona nambame nakama angi randa mairu. Nakamame wambu rara mende peparae lanyuo pao Itome wambu dupwana kendemande ingyuo karena lapala maipala kana nyiyami.

Emosa 6:2

Nakamame yuu taone Kalena dokona pao kandalapa. Dopa pyuo kando pao yuu taone ama andake Emate doko kandama pao kama yuu taone Gati Pilisitia wambu palenge doko kando lano pupwa. Dopa pyuo kandapala dupwana yulu dokome nakama Juta wambupi Isaraele wambupi dupwana yulu nyuo isa palyili laro karapyalyape lao selapape? Dupwana yuu doko reeko sipyamopa nakamana doko kukindena palimwalyamo lao silyamisi?

Jasi 14:19

Lamaiyamo dokopa Kamongona Imambu dokome Samasone baa porainyi pyambuya. Pyambuyamo dokopa baa yuu Asekelone dokona lano papala akali akalisa rema pyao kumakaya. Kumakapala nakamana komau keyange dupwa roko nyepala akali wambo banya pii leyamo dokona yano pyao leyami dupwa maiya. Maipala Samasone baa imbumi kumuo yuu doko yaki nyuo kaepala kapu kyuo rakangena anda peya.

Jasi 16:1

Samasone baa dokona karo yuu Gasa dokona pao enda pamuku mende kando nyepala enda dokopa role pyao paleyambi.

Jasi 16:21

Dokopa Pilisitia akali dupwame baa minyarapala nyiyami. Nyepala banya lenge dolapo lukunyi nembeyami. Nembapala nakamame baa lanyuo yuu Gasa dokona lanyuo peyami. Papala puu sane lapome kingi kimbupi dokona puu piyami. Samasone baa yulu pinya lao kana andake lapome nenge witi jingi dupwa lukuo dee pyao inju palawa inginya lao pingi dokona pyuo karapusi anda paleya.

1 Samyuele 5:1

Pilisitia wambu dupwame Kana Minyuo Lalu Lao Lenge Pii Palenge Bokote doko nyepala enakana yuu Epenesa dokona piso soo pao nakamana yuu taone Asote lenge dokona peyami.

1 Samyuele 5:10

Dopa piyasa nakamame Kana Minyuo Lalu Lao Lenge Pii Palenge Bokote doko yuu Ekerono dokona minyuo peyami. Yuu dokona minyuo pao pyaka sepeyaminyipape wambu doo range dupwame ee lao lao, Namwa pyao kumakana lao Isaraele wambunya Kamongo Anatu dokona Kana Minyuo Lalu Lao Lenge Pii Palenge Bokote doko dae soo epelyaminyi, leyami.

1 Samyuele 5:8

Lapala nakamame wai pii minyingi akali lapo wai minyuo pena lao nembapala Pilisitia kiŋi kingi paki epena lao nyiyami. Nyepala piso soo lao, Isaraele wambunya Anatunya Kana Minyuo Lalu Lao Lenge Pii Palenge Bokote doko apa pimase? leyami. Dokopa akali dusipame isingi lao, Yuu Gati dokona minyuo pena leyami. Dokona lao nakamame yuu Gati doko Pilisitia wambunya yuu taone mende dokona minyuo peyami.

1 Samyuele 6:4

Wambu dupwame aki bange lapo mairamase? leyami. Dokopa nakamame isingi lao, Kana golome amungi yale wasisi kingi pakipi dee golomeko wii yale wasisi kingi pakipi pipala Pilisitia kiŋi kingi pakiko dusipana suu pyao mairami, leyami. Nakama randa nyiyaminyi dokoko Pilisitia kiŋi kingi paki dupwa keta epeya.