1 Samyuele 5:3 - Anatunya Buku Baepole Ole Testamene Pii Lapo dee Nuu Tesamene

³ Reteyaminyi dokopa yangama wamba kukwa dokopa Asote wambu dupwame pao kandeyami dokopa mee bange anatu lao lakandenge kingi Dakene lenge pikisa wasisi doko Kamongona Kana Minyuo Lalu Lao Lenge Pii Palenge Bokote siyamo dokona lenge kambusa lakao pao siya. Dopa piyasa nakamame minyalyuo nyepala kamba petengenyili pyuo pisiyami.

1 Samyuele 5:3 ပူးပေါင်းရင်းမြစ်များ

1 Kiŋi 18:26

Leyamo dokopa nakamana mena minyakamyuo epeyaminyi doko nyepala wambo rapa rapa piyami. Pipala mee bange anatu kingi Bealo lenge doko kando ateŋa lao kareyaminyi pao yuu kwuaya. Dopa piyasa nakama pii ketae lao, Bealo namwa kando isingi yano pyakape, lao kana pyare leyaminyi dokona awali lao mee wamya lyuo lao kareyami. Kareyaminyipape mee bange anatu kingi Bealo dokona piso isingi mende laa naya.

Samu 115:7

Nakama kingi karenge dokome kapa minyanda nange. Moko karenge dokome kapa kata papya nange. Nakama kula kalu lao jaa laowape pii nange.

Ekesetase 12:12

Kukwa doo leto angi dokopa nambame yuu Isipi suku suku peparaena papyuo wane mupwasa dupwa peparaepe mena kali wambo mandenge dupwa peparaepe pyao kumakaro. Dopa pyuo pyao mee bange anatuŋu lao Isipi dokona lakandenge dupwa pyao nembo piru. Namba Kamongo doko karoŋo.

Aisaya 40:20

Akali mendeme kana kulingipi kana golope dupwa kapa ropo pyara ingya nange dokopa isa kwaeya nara lapo kando nyerami. Nyepala baame akali lapo kando mora piso wambu ingyuo wasingi mende koto nyepala akali ingyuo rolae pisapenge doko wasakana larami.

Aisaya 41:7

Kamonda akalimi kana golome anatu ingyuo wasingi dokome au pyuo pipyalyamo, lenge. Pena pena pinya lao wasingi akali dokome akali mende pirimi pyao bange angi doko nyuo pyaso wasaramo doko kandokondali pyuo pinya lao porainyi pyambuo lara. Dee nakamame lao, Yango kimbu soo wasisi doko keyange pipyalyamo lenge. Lapala mee bange anatu kingimi wasisi doko pisarami panda dokona pirimi pyao rambu lao pisingi.

Aisaya 46:7

Nakamba anatuŋu lenge bange minyalyapala lange dokome soo anda papala banya singi mare dokona retenge. Retenge dokopa romo pii nao sulu soo singi. Mendeme nyisinya lao piso soo loma singi ramo dokopa romo napyuo pii isingi laa nao dee randa nyilyamo dokona kyawa minya nangeko.

Make 3:11

Wambu kopyali imambu koo dokome soo pyale leyamo karenge dupwame baa kandapapu dokopa banya lenge kambu dokona nangalo kyaso soo pii porakaiyuo lao, Emba Anatunya Ikinyingi, lapo piyami.

1 Samyuele 6:1

Kamongona Kana Minyuo Lalu Lao Lenge Pii Palenge Bokote doko yuu Pilisitia dokona kana yanda ipingi sepeyamopa

1 Samyuele 6:5

Nakamame amungipi wiipi nakamana yuu dokona kokwa soo randa jipya doko suu pyao bange yale wasarami. Wasapala Isaraele wambunya Anatu doko keta nakamana koo dupwa polo lao banya kingi lakando ketae pyambwarami. Nakamame dopa pirami ramo dokopa Anatumi nakamape nakamana anatupi dee yuupi dupwa pyao kokwa soo randa jii nara rapisi.