1 Samyuele 4:5 - Anatunya Buku Baepole Ole Testamene Pii Lapo dee Nuu Tesamene

⁵ Kamongona Kana Minyuo Lalu Lao Lenge Pii Palenge Bokote epo pyaka sepeyamo dokopa Isaraele wambu dupwa rae maiyuo pii ketae palyuo leyaminyisa yuu dupwa pyuku pyuku leya.

1 Samyuele 4:5 ပူးပေါင်းရင်းမြစ်များ

2 Samyuele 15:24

Purisi akali mende Satoko lenge doko dokona kareya. Kareyamo dokona Lipae akali lapo role pyapeta kareyaminyi dupwame Kamongona Kana Minyuo Lalu Lao Lenge Pii Palenge Bokote doko sakaro kareyami. Dokopa bokote doko isa reteyami. Dopa pipala wambu dupwa peparae yuu taone doko yaki nyuo pao oteyami dokopa enakana bokote doko nyepala soo peyami. Purisi akali Apiata lenge baa opetaeko dokona kareya.

1 Kiŋi 1:40

Lapala nakama peparae Solomone epeyamuli pyuo kapu kyuo epo rae maiyuo pii ketae palyuo lao kurulu dupwa lao pii poraiyuo lao epeyaminyisa yuu dupwa pyuku pyuku leya.

Jeremaya 7:4

Wambu lapome nakama minyako pyuo kyambo langyuo, Dake Kamongona tembole anda dokome namwa randa nyii nao kapa karamano lao larami pii dupwa soo nyii nalapape.

Emosa 6:3

Dokona nakamame suu pyaminyi dokopa yuu gii pyao kokwa sera doko nakama keta epa nara lao suu pilyaminyi. Nakamame yulu wakale wakale pilyaminyi dokome yuu gii koo doko repeta lanyuo imisa pilyamo.

Maeka 2:11

Akali mende dupwana papyuo poropeta karo angi mende pira ingyapyamo kando lete lao kyambo malu lao nakama keta waene biyape mee soo kakana para lapyamo poropeta doko kando wambu dupwame rae mailyaminyi.

Josua 6:20

Dokona lao purisi dupwame bikuli poo leyami dokopa akali dupwame aopa sepala nakama pii poraiyuo kaeyo leyaminyipa kana kame awali lao paleyamo doko lalyuo bolombalo lao isa peya. Dokopa yanda singi dupwa yuu kyau dokona pulyuo papala yuu taone andake dokona sukusa rolae pao yuu doko nyiyami.

Josua 6:5

Dokopa nakamame bikuli pii mende imambu see nao poo londe mende larami. Doko emba aopa sepala dokopa wambu peparaeme pii ketae palyuo laraminyipa yuu taone andake dokona kana kame awali lao karenge doko lalyuo bolombalo lao isa para. Dokopa ami yanda singi peparae yuu taone andake dokona sukusa rolae parami, Kamongome leya.

Jasi 15:14

Baa yuu Liya dokona epeyamo dokopa Pilisitia wambu dupwame pii poraiyuo lao kando nyela epeyami. Dokopa Kamongona Imambu dokome baa porainyi pyambuyamopa banya kingi dokona puu piyaminyi dupwa isareme rasi ingyuo roko isa peya.

1 Samyuele 4:6

Dokopa Pilisitia wambu dupwame pii poraiyuo leyami doko sepala lao, Ipuru wambu komau anda pyuo palaminyi dokona pii porai letaminyi doko selapape. Doko renge apa pyuo letamisi? leyami. Enakana nakama Kamongona Kana Minyuo Lalu Lao Lenge Pii Palenge Bokote doko Ipuru wambu paleyami dokona epo pyaka silyamo leyami doko sepala