1 Samyuele 4:18 - Anatunya Buku Baepole Ole Testamene Pii Lapo dee Nuu Tesamene

¹⁸ Akali dokome Anatunya Kana Minyuo Lalu Lao Lenge Pii Palenge Bokote dokona lao leyamo pii doko sepala Ilai baa kame kambu repeta banya petenge isa dokona peteyamo doko lungu rao matarena pao paleya. Pao paleyamo dokopa baa ama alemo ingyuo ando rondo lasi peteyamo dokome banya mange doko rukyapala baa kumuya. Baa Isaraele wambu dupwana mupwa ingyuo ee kana akalisa kisima iso kareya.

1 Samyuele 4:18 ပူးပေါင်းရင်းမြစ်များ

Samu 42:10

Nakamana giyalya giyana pyuo pii lami dokome namba mata rukyuo pili lao, Embena Anatu doko anja karase lao piso soo karalu karaminyi.

Samu 42:3

Kukwa korakamape ee lao karapusa ee ipwange dokome nenge ingyuo sikya pilyamo. Dopa pipyamodokopa nambana yanda pimwai dupwame piso soo, Embena Anatu doko anja karamo, lao karaminyi.

Samu 69:9

Embena tembole anda suu pyao yulu andake isare rao pyuo kararo. Emba kando pii kopyali minyinyi nembo leyaminyi dupwa namba keta soo punjilyamo.

Jasi 15:20

Samasone baa ee kana akalisa lama dusipana Isaraele wambunya lita akali ingyuo kareya. Kareyamopa Pilisitia wambu dupwame Isaraele yuu dokona iso kareyami.

1 Samyuele 4:13

Dokopa Ilaime Anatunya Kana Minyuo Lalu Lao Lenge Pii Palenge Bokote dokona lao mona randapala banya isa petenge seya dokona kata repeta mee kandaro peteya. Dokopa akali dokome piyamo pii dupwa yuu taone dokona lao pauwiyasa wambu peparae ee lao pakame kumuyami.

1 Samyuele 4:17

Dokopa pii minyuo epeyamo akali dokome isingi lamaiyuo, Pilisitia wambu dupwame Isaraele wambu dupwa kopetame pyao anamasi minyiyaminyisa nakama pakao pumi. Dokopa embena wane Opini Pineyasepa pyao kumakami. Pyao kumakapala dokopa Anatunya Kana Minyuo Lalu Lao Lenge Pii Palenge Bokote doko nyuo pumi, leya.

1 Samyuele 4:19

Ilaina kauwange Pineyasena etenge doko wane paleya. Doko nyaŋa kando nyera yuu gii oo repeta ingiya. Ingiyamo dokopa Anatunya Kana Minyuo Lalu Lao Lenge Pii Palenge Bokote doko nyuo pelyaminyi leyaminyi dokope dee banya kauwange akalingipa kumuyambinyi leyaminyi doko soo peteya. Soo peteyamo dokopa aopa enda baa mata pyapala wane mandeya.