1 Samyuele 31:9 - Anatunya Buku Baepole Ole Testamene Pii Lapo dee Nuu Tesamene

⁹ Nyepala Solena mange doko pyao pukupala banya yanda pingi bange dupwa roko nyiyami. Nyepala pii wai minyingi akali lapome bange dupwa nyuo minyuo yuu Pilisitia dokona wambupi mee bange anatu lao wasingi dupwape Sole kumuyamo doko waili pii keyange lamaiyuo raeyala pena leyami.

1 Samyuele 31:9 ပူးပေါင်းရင်းမြစ်များ

2 Samyuele 1:20

Dopa pipya lao yuu Gati dokonape dee yuu taone Asekelone kata barete dupwanape arome pyao laa nalapape. Dee Pilisitia enda dupwa rae mainyi pyambwa nalapape. Dee anatu lao suu pyaa nange wambu dupwana wanenge dupwa rae mainya laa nalapape.

1 Samyuele 17:51

Pyapala makando repe kura lapala Golayatena wua gela doko kolo nyepala mange doko puku pyao kumakaya. Pilisitia dupwa nakamana akali kyawa doko kumuyamo doko kandapala nakama ralo pyako peyami.

1 Samyuele 17:54

Dapitimi Golayatena ayemba pukusi doko nyepala yuu Jerusaleme dokona minyuo peya. Dee Golayatena kaku yandape dupwa banya komau anda dokona reteya.

1 Samyuele 31:4

Pilisitia wambu Anatu suu pyaa nange dupwame male male lao pyao kumaka narami lao embena wua gela doko neta nyepala namba pyao kumakape, leya. Dopa leyamopape wanyane akali dokome apa pyuo pyaro lao soo mona nembo kareya. Dokopa Sole banya wua gela nyepala baa range pyao kumakaya.

1 Samyuele 31:8

Yanda pyuo palenge yangama dokopa Pilisitia wambu dupwa yuu kyau Gilipoa dokona akali pyasi siyami dupwana bange keyange lapo paleta siyamo dupwa waa nyela peyami. Pao Sole baape ikinyingi rema dusipape yuu kyau Gilipoa dokona kumasi siyaminyi dupwa kando nyiyami.