1 Samyuele 31:2 - Anatunya Buku Baepole Ole Testamene Pii Lapo dee Nuu Tesamene

² Dopa pyuo peyaminyipape Pilisitia wambu dupwame nakama minyarapala nyuo Solena ikinyingi rema dusipa Jonatanemoo Apinatapemoo dee Malikisua paleta pyao kumakayami.

1 Samyuele 31:2 ပူးပေါင်းရင်းမြစ်များ

2 Samyuele 1:6

Dokopa akali dokome isingi lao, Namba yuu kyau Gilipoa dokona karapala kandapu dokopa Sole banya kaku dokome yuu dokona pii pyaro baa roya karapya. Dokopa mena oseme ipyuo penge uliuli dupwana yanda pela piso penge akali dupwape dee mena ose matana piso yanda pela penge dupwamepe baa repe kura lapala pyalena piyami.

2 Kiŋi 25:7

Dokopa Setekaya baa kandako kareyamo dokopa banya ikinyingi dusipa pyao kumakayami. Dokopa kiŋi Nepukatenesame kiŋi Setekayana lenge doko lukunyi nembena leyasa nembeyami. Dopa pipala puu maiyuo minyuo yuu Bapilone dokona peyami.

Ekesetase 20:5

Namba nakamana Kamongo Anatu. Wakale mendeme nambana panda nyinya lao maiya nange. Dokona lao mee bange anatu angi daa dupwana ponga napala kingi ketae pyambuo lakanda nalapape. Wambu mendeme namba awa nara ramo dokopa nakamana para pyaraminyi dupwame manjo jingi para pyao paraminyipa rema panda kisima ingyuo manjiraminyi dusipana mende keta randa mairu.

1 Samyuele 13:16

Sole baape banya ikinyingi Jonatanepe dee nakambana akali dupwape yuu Gepa akali Benjamenena yuu dokona singi dokona komau anda pyuo paleyami. Pilisitia wambu dupwa yuu Mikimase dokona komau anda pyuo paleyami.

1 Samyuele 14:22

Isaraele wambu lapo yuu kyau pyalya pyana pingi yuu Eporaime singi dupwana yalu piru siyaminyi dupwame Pilisitia wambu dupwa ralo makando pelyaminyi leyami doko sepala nakama dolona konda pipala peta pyala peyami.

1 Samyuele 14:49

Solena ikinyingi dupwa mende kingi Jonatane mende kingi Isipi dee mende Malikisua lenge. Wanenge porakai dokona kingi doko Merape dee wanenge mende dokona kingi doko Maekele lenge.

1 Samyuele 28:19

Baame embamoo Isaraele wambu dupwape nyuo Pilisitia wambu dupwa keta maira. Rakya embamoo embena ikinyingi dupwape nambamoo kararamano dokopa Kamongome Isaraele yanda singi dupwa Pilisitia dupwame pyao wini pirami lao maira, leya.