1 Samyuele 3:9 - Anatunya Buku Baepole Ole Testamene Pii Lapo dee Nuu Tesamene

⁹ Soo nyepala dopa lamaiya. Dee pali pupi. Palirene dokopa dee kyakale lalyiyasili dokopa Kamongo embena kendemande doko dae soo palo lape, leya. Dopa lamaiyamo dokopa Samyuele dee pali peya.

1 Samyuele 3:9 ပူးပေါင်းရင်းမြစ်များ

Ekesetase 20:19

Karapala nakamame Mosese lamaiyuo, Embame namwa pii langirinyi dokopa namwa pii serama. Dopa piramopape Anatumi namwa pii langira ramo dokopa namwa kumaseramano lao pakame kumulyamano, leyami.

Aisaya 6:8

Enakana Kamongome lalyiyamo siyunupa lao, Api mendali mapanyi nembarope? Apimi mendeme nambana pii minyakao parape? leyamo siyu. Sepala nambame baa lamaiyuo, Namba parowale. Nembena, leyo.

APOSELENA YULU 9:6

Dopa pyuo pipinyipape emba sipurapala anda malu palyuo karamo dokona puu. Parene dokopa emba dopa piri dopa piri lao langirami leya.

Josua 5:14

Leyamo dokopa akali dokome isingi lao, Namba embena yanda singi daa. Dee namba embena yanda pimwai daa. Kamongona ami dokona namba mupwa ingyuo karenge, leya. Leyamo dokopa Josua baa yuu dokona pangu sepala akali dokona kingi ketae pyambuo lakando lao, Namba embena kendemande yulu pyakange akali. Embame namba apa pyakapili lao suu pilisi? leya.

1 Samyuele 3:10

Pao palipiyamo dokopa Anatu epo dokona karapala dee wambo leyamo doko suu pyao, Samyuele, Samyuele, lao kee leya. Dokopa Samyueleme isingi lao, Laa, embena kendemande doko soo palamo, leya.

1 Samyuele 3:8

Kamongome yuu rema ingyuo Samyuele kambako kyakale leya. Dokopa Samyuele sipurapala Ilai paleyamo dokona papala dee lao, Embame kyakale lalene dokona dee epelyo leya. Dokopa Kamongome wane doko kee lalyamo lao Ilaime soo nyiya.