1 Samyuele 3:21 - Anatunya Buku Baepole Ole Testamene Pii Lapo dee Nuu Tesamene

²¹ Dokopa yuu Sailo dokona Kamongome wamba Samyuele keta pano epeyamo dokoko suu pyao epapa piya. Dopa piyamopa Samyueleme Isaraele wambu pii lamaiyamo siyami.

1 Samyuele 3:21 ပူးပေါင်းရင်းမြစ်များ

Jenesese 12:7

Kamongo dokome Aporame kareyamo dokona epo maro lapala lamaiyuo lao, Yuu dake nambame embena wane manjo para pyao eparene dupwana ingyuo paraŋa lao jero, leya. Dopa leyamo dokopa Aporame baame Kamongona lao kana pyare lakamiya.

Jenesese 15:1

Yuumange lama papeyamopa Kamongome Aporame keta pii repa repa pyuo lamaiyuo lao, Aporame emba paka napipi. Namba embena konambe ingyuo karo. Embena yole andake ingyuo paramo nyere, leya.

Emosa 3:7

Kamongo wambu dupwana mupwa ingyuo iso karenge dokome yulu peparae pinya dokopa banya kendemande poropeta akali dupwa wambo panao lamaingi.

Nambase 12:6

Peyambinyi dokopa Kamongome lamaiyuo, Epapu nambana pii doko selapape. Poropeta dupwa nakamba pipya karenge dokopa namba rangeme nakama keta pano epo repa repa pyuo dee kombeyame pii lamaiyuo pingi.

Ipuru 1:1

Wambo dokopa Anatumi namwana akali kyawa dupwa banya poropeta akali dupwa keta pii lamaipa piya.

1 Samyuele 10:19

Namba nakamana Anatu. Nambame nakama randa wakale wakale dupwana kiiramo kyawa lete nyingi. Doko kaepala epapu nakamame namba mata jepala mende wakale jii lao piso silyaminyi. Doko kapaŋa. Kamongona lenge kambu dokona nakamana rara lili pyuo dee akalyanda lili pyuo nyuo malu palyuo pisipwape, leya.

1 Samyuele 3:1

Yuu gii dusipana wane Samyuele baa Kamongona yulu pyakamyuo akali Ilaime yulu pinya leyamuli pyuo pyuo kareyamo dokopa Kamongo keta piso pii kuki iki epo dee pii repa repa yuu gii lapo iki pepapu piya.

1 Samyuele 3:10

Pao palipiyamo dokopa Anatu epo dokona karapala dee wambo leyamo doko suu pyao, Samyuele, Samyuele, lao kee leya. Dokopa Samyueleme isingi lao, Laa, embena kendemande doko soo palamo, leya.

1 Samyuele 3:4

Dokopa Anatumi Samyuele lao kyakale leyamo dokopa Samyuele Yaa, leya.

1 Samyuele 9:15

Kwuaka yuu gii dokopa Kamongo dokome Samyuele lamaiyuo lao,