1 Samyuele 28:6 - Anatunya Buku Baepole Ole Testamene Pii Lapo dee Nuu Tesamene

⁶ Dopa piyasa apa piru lao see napala baame Kamongo piso siya. Dopa piyamopape Kamongome kombeyamepe dee poropeta akali dupwa keta pii laowape kana kingi Urimi Tumini dolapona kongwalu kuki mende pyuowape isingi mende laa naya.

1 Samyuele 28:6 ပူးပေါင်းရင်းမြစ်များ

2 Samyuele 22:42

Dokopa nakama wambu lapome nyisamili lao kotelyaminyipa mendemepe nakama kyawa lete nyuo nyisa nange. Nakamame Kamongo doko nyisinya lao kee letaminyipape baame nakama isingi yano pyaa nange.

Poropepe 27:1

Epapu rakyapena piramo doko see nalene dokona mende piru lao ene dokona range lakanda napipi.

Jeremaya 23:28

Doko poropeta kombeya pilyaminyi dupwame doko mee kombeyaŋa larami ingilyamo. Dopa laraminyipape poropeta nambana pii silyaminyi dupwame pii doko mondo lao polo larami ingilyamo. Nambana pii doko jingi angi ingyapyamopape poropeta akalinya pii doko mee yanenge ingilyamo.

Joele 2:28

Enakana nambame nambana Imambu wambu dupwa peparaena maralyinya laro. Dokopa nakamana ikinyipi wanenepe dupwame nambana pii boo pyao larami. Nakamana alemo dupwame kombeya pirami. Nakamana wanyane akali dupwa pii repa repa pyuo kandarami.

Maeka 3:7

Poropeta mendasipa ene mende pira larami doko pii naramosa dokona elya nyerami. Nakama peparae Anatumi isingi mende kotaraminyi doko mai narasa kopyali ingyuo saka narami, leya Maekame.

Nambase 12:6

Peyambinyi dokopa Kamongome lamaiyuo, Epapu nambana pii doko selapape. Poropeta dupwa nakamba pipya karenge dokopa namba rangeme nakama keta pano epo repa repa pyuo dee kombeyame pii lamaiyuo pingi.

Nambase 27:21

Baame purisi akali Eliasana arapu dokona karo pii soo yulu pira. Dokopa Eliasame kana lama kingi Urimi dee Tumini lenge dolapome minyuo nambame aki mende piri lao suu pyao karo doko soo gisara. Dopa pyuo baame Josuamoo dee Isaraele wambu peparaepe nakamana yulu dupwana apa pyuo kararami lao mana lamaiyuo lasaka pira, leya.

Matyu 1:20

Dopa piru lao suu pyao kareyamo dokopa Kamongona aŋala mende kombeyame epapala baa lamaiyuo, Josepe Dapitinya para pyasi embena enda Maria wane petamo doko Imambu Poo Pyasimi renge kuiyapya dokona nyerono lao paka napipi.

Jone 9:31

Anatumi yulu koo pingi wambu dupwana pii sakami nange. Sakami nalyamopape wambu mendeme Anatu ketae pyambuo yako lao karo baa letamuli pyuo pyuo karara ramo doko Anatumi dokonako pii sakamyuo karenge doko silyamano.

Dutaronome 33:8

Lipaena rara dokona lao dopa lamaiya. Emba Kamongo dokome kana Urimi Tumimi dolapo keta karo Lipae rara dupwa emba mende pipyali yaka lao suu pingi doko pano lasaka pyakamingi. Embame yuu Masa dokonape dee ipwa Merepa dokonape apa pilyamipi lao kandalana makande pyuo kandee dokopa nakama rolae pyuo yaki nyii nao karaminyi kandee.

Jemesa 4:3

Nakama yuu lapo awualyaminyi dupwa rae maiyuo nyelana suu pyapala lawa pyuo piso simi dokopa Anatumi nakama keta sinya laa nalyamo.

1 Samyuele 14:37

Leyamo dokona lao, Soleme Anatu piso soo, Nambame Pilisitia wambu dupwa pyala parose? Embame pyao anamasi minyingi renge jerese? leya. Piso siyamopape Anatumi yuu gii dokopa isingi yano pyao laa naya.

1 Samyuele 28:15

Samyueleme Sole lamaiyuo, Akipamo namba uki minyuo lene? Namba akipamo kamba kapu kyuo ipu letene? leya. Soleme isingi lao, Namba randa nyuo mona kendalyo. Doko Pilisitia wambu dupwame nambamoo yanda pimwailyaminyi dokopa Anatumi namba kyawa yaki nyilyamo. Yaki nyipyamosa baa pisapu dokopa poropeta dupwa ketape dee kombeyamepe pii mende isingi langya nalyamo. Dopa pipyasa namba mende pirunu dupwa langilase lapala piso sipu, leya.

1 Samyuele 28:5

Dopa pyuo karo dokopa Soleme Pilisitia yanda singi dupwa kando pakame kumuya.