1 Samyuele 20:41 - Anatunya Buku Baepole Ole Testamene Pii Lapo dee Nuu Tesamene

⁴¹ Wane doko yaki nyuo papeyamo dokopa Dapiti kana malunya yalu piru siyamo doko sipuro neta epeya. Epapala dokopa wapambu pii pyaro pisipala yuu remasa banya lenge kambu dokome pangu siya. Dopa pipala Jonatanepa Dapitipa laparae nyinyi pyuo karo dokopa ee leyambi. Ee leyambinyi dokopa Dapitimi Jonatane kando mona randayamo doko kamame wakasako ingiya.

1 Samyuele 20:41 ပူးပေါင်းရင်းမြစ်များ

Jenesese 29:11

Maiyakamipala enakana Jekopeme Oresole nyinyi pipala ee poraiyuo leya.

Jenesese 29:13

Lapane baame banya pemalengena ikinyingi Jekope dopa pyuo ipwame lao sepala baa makando yako lao nyela peya. Pao kupyuo rau pyao nyinyi pipala lanyuo anda epeya. Dokopa Jekopeme doo piyamo dupwa peparae Lapane rolo lamaiya.

Jenesese 33:4

Dopa piyamopape Iso waiya lao epapala baa kupyuo nyinyi pyuo nyiyasa dokopa nakamba ee leyambi.

Jenesese 42:6

Josepe baa yuu Isipi dokona gapomane mupwa ingyuo karapala yuu muu peparae ropo pyala epeyaminyi baame maiyuo kareya. Dokona Josepenayangonge dupwa epapala banya lenge kambu siyamo dokona baa mupwa lao yuu dokonapangu siyami.

Jenesese 43:28

Nakama isingi lao, Embena akali kuki namwana rakane doko baa mee letekaramo, lapala banya lenge kambu dokona wapambu karapala pangu siyami.

Jenesese 45:15

Josepe baame yangonge lapo dupwa nyinyi pipala ee lanyi pisiya dokopa yangonge dupwame baa role pyao pii leyami.

2 Samyuele 1:2

Dokopa yangama yulu repo dokona wane parange mende Solena komau anda pyuo paleyamo dokona piso epeya. Dokome banya kondange renge doko lasaka pilyuŋu lao dokopa banya komau dupwa minyuo kanguo dee banya kyawa awai pyao pipala Dapiti peteya dokona papala baa yuu dokona pangu soo piya.

2 Samyuele 1:26

Nambana yangone Jonatane nambame emba range ingi rando kondalyo. Nambame emba mona wakasa reto pingi dee embame namba mona kulisa wakasa retenge. Akalimi enda mona retenge dokope daa kamame wakasa ingyuo nambwa mona retenge.

2 Samyuele 19:39

Dokopa Dapitimoo banya akali dupwa pipya ipwa Jotane doko yalo dumurena peyami. Dokopa baame akali Basilai doko nyinyi pipala yako lao elyape keta pisiyamopa anda kapu kyuo peya.

2 Samyuele 9:6

Jonatanena ikinyingi Solena kauwange akali Mipiposeta baa epeya. Epapala baame Dapiti angingyuo karamo lao suu pyao yuu dokona pangu siya. Dokopa Dapitimi baa yako lao kingi nyiya dokopa baa namba embena yulu pyakange akali doko, leya.

1 Kiŋi 1:16

Dokopa enda Betesepa baa kiŋi paleyamo dokona lenge kambusa pangu siya. Dokopa kiŋi dokome baa piso soo lao, Emba aki nyerese? leya.

1 Kiŋi 1:23

Epeyamo doko dopa pyuo poropeta doko epo karamo lao kiŋi doko lamaiyami. Dokopa Netane baa andakare papala kiŋinya lenge kambu dokona isa pangu siya.

1 Kiŋi 1:31

Leyamo dokopa Betesepame pangu sepala lao, Nambana kamongo baa karalu karena leya.

APOSELENA YULU 20:37

Ateŋa lapala nakama peparaeme ee lao baa kupyuo nyuo nyinyi piyami.

1 Samyuele 10:1

Dokopa Samyueleme isa olipi jingi mamba wele ipwange pee doko nyepala Solena kyawa dokona kulimbwakamipala baa nyinyi piya. Nyinyi pipala lao, Kamongo dokome emba mupwa ingyuo banya Isaraele wambu dupwa isakare lao rombo palyilyamo. Emba wambu dupwa isakamyuo karo nakamana nyisu petenge dupwa alya isa minyili laro karare. Kamongome rombo palyuo otelyoŋo lao doko emba katasa parene dokopa mende piramo dokome nolakarasa pira, leya.

1 Samyuele 18:3

Jonataneme Dapiti mona wakasa reteyamosa puu minyuo karalu kararamba, lalu lao leya.

1 Samyuele 20:40

Dopa pipala Jonataneme yanda wangape dupwa wane doko maipala yuu taone dokona kapu kyuo minyuo pena lamaiya.

1 Samyuele 24:9

Nambame emba pyalana piliniŋi lao wambu wakaleme langiminyi pii doko akipamo embame soo nyilisi?