1 Samyuele 20:32 - Anatunya Buku Baepole Ole Testamene Pii Lapo dee Nuu Tesamene

³² Leyamo dokopa Jonataneme isingi lao, Akipamo baa kumarase? Baame aki koo mende pipyase? leya.

1 Samyuele 20:32 ပူးပေါင်းရင်းမြစ်များ

Jenesese 31:36

Dokopa Jekope imbu singi nyepala Lapane kando, Aki koo mende nambame pyuo mawa pii anjukunya yalo pipusa pyalana moko minyuo epelese? leya.

Matyu 27:23

Dokopa baame lao, Akipamo? Aki yulu koo mende pipyase? leya. Dopa leyamopa nakamame pii porakaiyuo kaeyo lapala, Baa isa mamandona kumuo palena, leyami.

Luku 23:22

Pailateme repo pyuo nakama lamaiyuo, Akipamo, aki yulu koo ipyase? Baa kumara yulu dopale renge mende pali nalyamo lao masapu. Dokona baa randa maipala mokwaro ingilyamo leya.

Jone 7:51

Namwana Mawa Pii palamo dokona, Namwame akali mende koo pipyalyamo lapala mee langa kote laa nange. Dopa pipyalyamo lao piso soo otapala kote lenge.

1 Samyuele 18:11

Soleme dopa lao range suu pyao, Nambame Dapiti kakumi pyaronopa apya dokona pararo karenale, leya. Dopa lapala kakumi yuu lamasa lao piyamo doko Dapitimi mee wanjinyi nembeya.

1 Samyuele 19:4

Jonataneme Dapiti lakando Sole lamaiyuo, Embena kendemande akali Dapiti doko baa randa mende mai napipi. Baa koo mende emba kando pii naya. Dopa pii nayamopape baame yulu peparae pipyamo dupwana emba kamame andake wakasa ingyuo nyisakondali pyuo piya.

1 Samyuele 19:5

Baa kumara doko suu pyaa nao baame Golayate pyao kumakayamo dokopa Dapiti baa kumuyaliko doŋo kuma naya. Doko Kamongo dokome pyao anamasi minyuo wini pingi renge doko Isaraele keta maiya doko emba kandapala dokopa ama rae mai kande. Dokona lao epapu embame akali koo mende pali nange doko kando kopetame pyuo renge angi mende daa dokona akipamo Dapiti pyao kumakarese? leya.

1 Samyuele 20:1

Sole baa yuu Nayote yuu Orama singi dokona epeyamo dokopa Dapiti baa kala Jonatane kareya dokona peya. Papala baame piso soo, Nambame aki koo mende pipusi? Nambame aki kopetame mende embena rakane kando pipunusa namba pyao kumakalana pilyase? leya.

1 Samyuele 20:7

Larene dokopa baa kapa lara ramo doko namba nyisarasa pira. Daaŋa lapala imbwuara ramo doko namba pyaro lao suu pyarasa pira doko emba soo nyere, leya.