1 Samyuele 20:2 - Anatunya Buku Baepole Ole Testamene Pii Lapo dee Nuu Tesamene

² Jonataneme Dapiti isingi lamaiyuo, Doko daa. Emba kuma nare ingilyamo. Nambana rakaneme yulu kukipi andakepe peparae piruŋu lao mende yalu pii nao peparae polo langingi. Dokona lao baame yulu dake yalu pii nara ingilyamo. Baame emba kumaka nara ingilyamo, leya.

1 Samyuele 20:2 ပူးပေါင်းရင်းမြစ်များ

Jenesese 44:7

Nakamame baa piso, O kamongo, emba pii doko akipamo letene? Namwaembena enda ingyuo karamano dokome yulu dopale pirama ingya nange.

Samu 40:6

Emba menana rendamu nyelana rae mai napala namba yanenge wai pyapala kumuo jelase lao rapa rapa pyaane leya. Nakamana koo dupwa kame sakalase lao mena pyao kiso jilyaminyi doko rae maiyuo nyii nalene kandelyo.

Aisaya 50:5

Kamongo dokome namba pii langiyamopa nambame baa mona kana poko yaki nyuo paa nayo.

Luku 20:16

Baame epapala ee rapu akali dusipa pyao kokwa sepala waene ee doko nyuo akali wakale maira leya. Dopa leyamo sepala, Anatumi dopa pii nana lapyali yaka, leyami.

Jone 15:15

Kendemande akali dupwame nakamana kamongo dupwa apa pilyaminyi lao soo gisa nange renge dokona nambame nakama kando kendemande ingyuo karaminyi lao laa nalyo. Laa napunupape nambana Rakane pii namba langiyamopa soo nyiya dupwa peparae nakama polo langyuo karapu dokona nakama nambana puu minyingi lalono kandapi.

Jone 17:8

Dokona lao nambame pii jiinyi dupwa nakama lamaiyunupa nakamame soo nyepala kinyi kinyi emba karenge dokona namba karo epeelyamo lao sepala embame namba mapanyi pee lao suu pyao karaminyi.

Josua 24:16

Leyamo dokopa wambu dupwame isingi lao, Kamongo Anatu yaki nyii napala anatu menge dupwana yulu pyakami narama ingilyamo, leyami.

1 Samyuele 14:45

Leyamopape wambu dupwa Sole kando lao, Jonatane Isaraele wambunya yanda andake wini pyuo pyao anamasi minyapya doko pyao kumaramisi? Daa namwame Kamongo lete karalu karenge dokona kingi lao lalu lao, Kamame banya kyawasi kuki dokona mendepe yaki nyuo kaeya nara, letamano. Baame epapu yulu pipyamo dupwa Kamongome nyisapyamo pipya, leyami. Lapala wambu dupwame Jonatane pyao kumaka napala mee karena kaeyami.

1 Samyuele 20:1

Sole baa yuu Nayote yuu Orama singi dokona epeyamo dokopa Dapiti baa kala Jonatane kareya dokona peya. Papala baame piso soo, Nambame aki koo mende pipusi? Nambame aki kopetame mende embena rakane kando pipunusa namba pyao kumakalana pilyase? leya.

1 Samyuele 20:12

Jonataneme Dapiti lamaiyuo, Isaraele wambunya Kamongo Anatumi nambwana pii letambano doko sinya. Rakya jimwape nambame rakane piso sero. Embena lao banya masingi keyange ingyara ramo doko nambame emba langiru.

1 Samyuele 20:3

Dopa leyamopape Dapitimi isingi lao, Embame namba mona wakasa retapi doko embena rakane dokome soo otelyamo. Dokona emba mona randarene lapala baame namba pyara kata lapona lao reto rapa rapa pilyamo dupwa emba langi nalyamo. Nambame Kamongo lete karalu karenge doko keta kinyi kinyi lao, Embena rakaneme namba oo repeta pyao kumakara leto, leya.

1 Samyuele 9:15

Kwuaka yuu gii dokopa Kamongo dokome Samyuele lamaiyuo lao,