1 Samyuele 2:8 - Anatunya Buku Baepole Ole Testamene Pii Lapo dee Nuu Tesamene

⁸ Baame pendewa pelyamo palyuo karenge dupwa nyiso dee yangilyamo pee paro singi dupwa nyuo minyalyuo pingi. Baame nakama kiŋinya akali mupwa dupwa pipya puu minyinyi pyambungi. Baame nakama yulu andakena wambumi ketae nembaramili dupwa maingi. Yuu doko Kamongome kanda soo susa pyao waso reteyamo silyamo. Yuu dokona baame bange peparae konda pyuo wasiinyi pyambuya.

1 Samyuele 2:8 ပူးပေါင်းရင်းမြစ်များ

Jenesese 41:14

Dokopa Peraome Josepe lanyakala pena leyasa karapusi paleya dokona waiya lao nyepala epeyami. Dokopa Josepe komau wapuo angasi aku mondo lapala Perao peteyamo dokona epeya.

Jenesese 41:40

Nambana isingi dupwa emba keta retaronopa nambana wambu dupwa emba lareneli pyuo mawa pii doko minyarami. Namba kiŋi rombo palyisi karo dokomeko iki mupwa ingili lao kararo, leya.

2 Samyuele 7:8

Dokona lao nambana kendemande Dapiti lamaipi, Namba Kamongo Porai Wakasa dokome emba mena sipisipi rapu pyuo kakopasa karenepa nyepala emba nambana Isaraele wambu dupwana kiŋi ingyuo karare lao rombo palyiyu kande.

Jopo 1:21

Dee baame leya. Namba anyimi ene doo manjo nyepeyamo dokopa namba komau yambalepe wapuo epa nayo doko suu pyao kumuo paro dokopa dopako piru. Kamongo bange jiyamo dokome range nyuo pwuamo. Pwuamo dokona banya kingi doko lakandapenge, leya.

Jopo 2:8

Dokopa Jopo bange nenge pinjingi nembenge mare dokona pao pisipala pere kambasi mende nyepala yanenge yuu pyuo peteya.

Samu 104:5

Embame yuu dake puu rombo minyuo susa piinyi dokopa walu walu laa naraŋa lao poraiyuo pyuokonda piinyi piro karamo.

Samu 107:41

Baame pendewa mona kondo petenge dupwa kiiramo nyepala ree paludoko mena ingyuo wai kisinya lao andanyi nembeya.

Samu 24:2

Baame wasiyamo doko ipwa pete yalu yuu kokorena kando wasiya. Ipwa kota andake koko dokona susa ingyuo pyapala wasiya.

Daniele 2:48

Lapala baame Daniele yulu andake maiyuo yuu Bapilone doko iso karena lao dee akali lapo kiŋi doko yulu dopa pyuo piri dapa pyuo piri lao nyiso karenge dupwana baa mupwa ingyuo karo pinya lapala bange keyange dupwa maiya.

Daniele 4:17

Dake aŋala iso karalu karenge dupwana pii lalu lao lao palyimi doko. Anatu Mupwa Andake Wakasa dokona porai renge dokome mee akali kiŋi dupwana isingi yulu doko nyuo isa palyingi. Baame range maso akali mende kiŋi inginyi pyambuo rombo palyingi. Akali kamame kuki karelyaminyipape baame mende rombo palyilyamo doko kiŋi wasingi. Dokona lao pii doko wambu peparae sinya, lapya.

Daniele 6:3

Dokopa Danieleme gapomane akali dupwape yulu isingi akali dolapope nyuo isa palyuo baa yulu kamame keyange ingyuo pinya piya. Baa ama mondo koo lao pinya piyamosa kiŋi dokome banya isingi yuu peparaena Daniele baa mupwa ingyuo karapyali lao suu piya.

Ipuru 1:3

Ikinyingi doko Anatu peparae isa komba pyapala Rakangena yanga paupau lenge doko neta ranyi peenge. Banya pii porainya renge paleta dokome yuu muu dupwa peparae renge kuiyuo minyaro karenge. Baa isa wambunya koo dupwana pyuo elya pyuo nyepala yake pandana mupwa Anatu dokona kingi rolaerename pao peteya.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

Orepalaisane 22:5

Taone doko dee iminja naramopa Kamongo Anatumi yanga paupau lanyi pyambwaramo dokopa lambe netape dolapona yulu mende pali nara. Wambu kararami dupwa kiŋi ingyuo iso karalu kararami.

Orepalaisane 3:21

Nambame anamasi minyapala Rakanepa role pyao banya petenge isa andakena peto dokona ingyuo nakama anamasi minyarami dupwame nambapa petenge andake dokona role pyao petena laro ingilyamo.

Orepalaisane 5:10

Embame doloma Anatunya yulu pyakamirami lao rapu pinginya rara inginyi pyambuinyipa nakama dupwame yuunya iso kararami.

1 Samyuele 15:17

Samyueleme isingi dopa lamaiya, Emba rangeme mupwa wakasa lao suu pyao kara napinyipape Isaraele rara dupwana mupwa ingyuo karene. Kamongo Anatumi emba Isaraele wambu dupwana lao kiŋi ingyuo rombo palyiya.