1 Samyuele 2:25 - Anatunya Buku Baepole Ole Testamene Pii Lapo dee Nuu Tesamene

²⁵ Akali mendeme akali yango mende kando koo pirande ramo doko Kamongome banya lao pii lakamira ingilyamo. Dopa pipyamopape akali mendeme Anatu kando koo pira ramo doko apimi soo lakamirase? leya. Dopa leyamopape Kamongome pyalana suu pyao oteyamo dokome nakambame rakangena mana pii doko mende lalyamo lao sakami nayambi.

1 Samyuele 2:25 ပူးပေါင်းရင်းမြစ်များ

Jenesese 38:10

Baa dopa pyuo Kamongo kando rae maiya nanyi pyambuyasa Kamongome baa opetae pyao kumakaya.

Jenesese 38:7

Yuu mendepa Ere baa yulu kopetame piyamo dokona Kamongome soo epe nasepala baa pyao kumanyi nembeya.

1 Kiŋi 8:31

Wambu mendeme wambu mendale yango kando koo pipyaŋa lapala baa pii naroŋo lao lalu lao lara lao tembole anda dakena embena kana pyare lasi dokona lanyuo eparami.

1 Kiŋi 8:32

Eparaminyi dokopa O Kamongo yake panda karo sepala embena kendemande dupwa iso rolo pinya karape. Mendeme kokwa soo koo piya kande doko baa randa maipi. Dee mendeme koo pali nalyamo lao suu pyao rolae pyuo kareya kande doko kiiramo nyepe.

Samu 51:16

Emba mena pyao kiso maingi dokona rae mai nange. Rae maipili nambame kapa jipuli. Dee mena kiso rendamu pyuo maingi dokona emba rae mai nange kandaleko.

Samu 51:4

Nambame emba keta koo pimwaiyuo pipu doko emba iki pimwaipu. Embame koo lao masipinyi doko peparae pipu. Dokona embame koo pipi lao lare doko rolae ingyuo lare ingilyamo. Dee embame namba koo pipi lao randa jere doko rolao laresa pira.

Poropepe 13:1

Wane mona palenge dokome rakangeme pyalana pyuo mana letamo dokopa warombo soo petenge. Dopa pilyamopape akali moŋo kyaŋe soo range wakasa lao suu pingi dokome doko pii soo nyii napala baa kopetame pyuo penge.

Ekelesiyastisi 3:3

Yuu gii pyao kumakaraminyi dokope yuu gii pyuo lete nyeraminyi dokope yuu gii anda wambarae lalyaraminyi dokope yuu gii anda enenge piraminyi dokope baame rombo palyuo retenge.

1 Timoti 2:5

Anatu baa mendaki iki karo, dee kanya akali mendaki doko Anatu akalipa nyuo pakao pingi doko Koraisa Yesuko karo pingi.

Ipuru 10:26

Yesunya pii angi sepalape kandakinyuo yulu koo pirama ramo doko pyao kiso maingi yulu wakale mendeme koo doko kwua nara ingilyamo.

Ipuru 10:27

Doko Anatu banya yanda pimwai kando kote lapala isare renge panda dokona kopeta kapeta pena laralyamo lao suu pyao mona nembo kararama ingilyamo.

Ipuru 7:25

Isa wambumi Anatu karamo dokona eparami dokona Yesu baame lamaiyakamingi akali ingyuo karalu karenge. Dokona lao baa kukingisa karenge akali ingyuo Anatu keta eparami dupwa pyuo nyulu nyuo nyera.

1 Samyuele 3:14

Dokona lao nambame Ilaina ree palu wambu dupwa kando lalu lao lao, Nakamana koo dupwa nyuo nembara lao mena pyao kiso maingipi mee bange maingipi kata mende see nalu nao nara ingyara, leya.