1 Samyuele 2:10 - Anatunya Buku Baepole Ole Testamene Pii Lapo dee Nuu Tesamene

¹⁰ Kamongome yake panda piso pii porakaiyuo lapala banya nyisu petenge dupwa pyao kokwa sinyi nembara. Kamongome yuu muu peparaena wambu nakama yapalya yapana pyuo lara. Baame banya kiŋi doko porai renge maipala banya rombo palyisi kiŋi dokome wakale dupwa pyao isa palyinya lao pira, leya Aname.

1 Samyuele 2:10 ပူးပေါင်းရင်းမြစ်များ

2 Samyuele 22:14

Dokopa Kamongo dokome yake dokona piso yuu gala leya. Leyamo dokopa Anatu Porai Wakasa dokona pii doko wambu peparaeme siyami.

2 Samyuele 7:13

Doo kiŋi rombo palyuo kararono dokome nambana tembole anda pyakara. Dee nambame banya manjo paramo dupwanako akali dupwa kiŋi ingyarapu palyuo puu parami lao rombo palyarapu piru.

2 Samyuele 7:8

Dokona lao nambana kendemande Dapiti lamaipi, Namba Kamongo Porai Wakasa dokome emba mena sipisipi rapu pyuo kakopasa karenepa nyepala emba nambana Isaraele wambu dupwana kiŋi ingyuo karare lao rombo palyiyu kande.

Jopo 40:9

Emba porai namba yalese? Nambana pii poraiyuo yuu gala lele lao lenge dopa pyuo embame lengese?

Samu 132:17

Nambame Dapitinya para pyasi mende dae kiŋi wakasa ingyuo karena lao wasaro. Wasapala nambana kiŋi rombo palyisi doko dae rapu pyuo karalu karena lao piru.

Samu 148:14

Baame banya Isaraele wambu mona wakasa retenge dupwame baa lakando kararami lao porainyi pyambuya. Kamongo baa lakandamanale.

Samu 2:2

Nakamana kiŋi dupwa porai ingyuo karo dee akali mupwa dupwa wato lao karapala Kamongope banya rombo palyisi kiŋi dokope yanda pimwailyaminyi.

Samu 2:6

Nambana yuu kyau poo pyasi Sayone lenge dokona nambame nambana kiŋi doko rombo palyuo karena lamaipu, letamo.

Samu 2:9

Embame ane pangalimi pyao kambo dee nakama pee warame wasisi pyao kambele lao piri, lapya letamo.

Samu 89:17

Emba keta renge kuiyuo namwa anamasi minyingi renge jingi. Embena mona retenge dokona moko karo anamasi minyingi.

Samu 89:24

Nambame baa mona wakasa reto baa keta renge renge soo kararo. Nambamebanya yanda pimwai anamasi minyingi inginyi pyambwaro.

Samu 89:25

Nambamebanya isingi yulu doko ipwa kota andake Metitaraniane pete lenge dokona piso renge kuiyapala pao ipwa Yuporisa dorena ando nyimbunya lao piru.

Samu 96:13

imwa kuki dupwana isa karenge dupwame rae maiyuo karo pii poraiyuo larami. Baame isa wambu dupwa iso karo rolae dokona palyuo yapalya yapana pira.

Ekesetase 15:6

Kamongo embena kingi rolaerena poraingi renge doko ama mupwa wakasa. Dokome yanda pimwai dupwa pyao poro lapala inji ranji pingi.

Aisaya 32:1

Yuu mendepa kiŋi mona angi palenge mendeme rolae pyuo iso dee mee wambunya lita akali dupwame yulu rolo pyuo kararami.

Aisaya 45:24

Nakamame lao namba keta iki anamasi minyuo wini pingi rengepe dee porainya rengepe dupwa kando nyerama ingilyamo larami. Dopa piraminyipape wambu lapo namba kando epe kanda nalyaminyi dupwa randa andake nyuo elyame kumuo kararami.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Matyu 28:18

Dokopa Yesumi epo nakama dopa lamaiya. Renge palenge yake panda silyamopape isa panda silyamopape peparae namba keta jipyamopa karo.

Luku 1:69

Dokona lao banya yulu pingi akali Dapiti dokona palu dokona Lete Wai Pyao Nyingi akali porai mende karena lao renge kuipyamopa karamo.

Luku 19:27

Akali namba yango palyuo karo namba nakama rapu pyuo kara napili yaka lao suu piyami dupwa dae lanyuo epapala nambana lenge kambu dokona pyalapape leyaŋa, leya Yesumi.

APOSELENA YULU 10:38

Yesu Nasarete range doko Anatumi Imambu Poo Pyasipi renge porai dokope maiya. Maiyapala Anatu baa role pyapeta kareyamopa baa yuu dupwana papyuo yulu keyange pyuo imambu koo dupwa raka lanyi nembo wambu pyuo nyepa piya.

APOSELENA YULU 4:27

Doko suu pyao embena Yulu Pingi akali poo pyasi Yesu emba rombo palyii doko yuu dakena wambu dupwame malu palyuo nengyango lao kareyami. Erotemoo Pondiasa Pailatemoo wambu rara wakale dupwape Isaraele wambu dupwape nakama mendakinya palyuo,

2 Korina 5:10

Namwa peparae Koraisa kote lao karara dokona paramano dokopa baame namwa apa pyuo yulu piyami lao yapalyuo sera. Yuu gii dokopa namwa isa yuu karo yulu keyange pyuope panda yulu koo pyuope dokona namwana yulu piyamuli pyuo mendaki mendaki lao yole yano nyerama.

Jasi 5:31

O Kamongo, embena nyisu petenge dupwa dopale ingyuo kumunya. Dopa piraminyipape embena puu minyingi dupwa neta potemo epo rao karenge doko suu pyao karena. Dee yuu palu kareyami dokona ee kana akalisa kisima dusipana manda rengepe mona kyuu lao singi rengepe siya.

1 Samyuele 12:13

Epapu kiŋi dake nakama rangeme rombo palyimi. Nakamame kiŋi nyelana lao piso simi dokona epapu Kamongome nakama jipya.

1 Samyuele 12:17

Epapu doko panyi pilyamo. Dopa pipyamopape nambame ateŋa laro dokopa Kamongome apunda peyo yuu gala lao pira. Dopa piramo dokopa nakama baa kiŋi mende jinya lao piso siyami doko Kamongo keta koo andake piyamalyamo lao soo gisarami, leya.

1 Samyuele 12:18

Lapala Samyuele baame ateŋa piya. Piyamo yuu gii mendaki dokopako Kamongome yuu gala lao apu peeya. Dokopa wambu dupwame Anatu baa mupwa lao suu pyao pako dee Samyuele opetae kando pakoko piyami.

1 Samyuele 12:3

Dokona namba dae karo dakeŋe namba nakama keta kopetame mende piyunde ramo doko Kamongo banya lenge kambu dokonape epo namba randa joo lalapape. Nambame nakama mendena mena bulamakaope dee mena dongepe dupwana mende nyakayose? Nambame mendali kando randa maiyuo panga sepala mendena waa nyakamipusi? Panda akali mende nambame girisi pyuo nyiso kote sakamipusi? Nambame doo leto dupwana lapo piyunde ramo doko angi bange nyiyunu dupwana isingi range yano pyakaro, leya.

1 Samyuele 15:28

Dopa piyamo dokopa Samyueleme baa lamaiyuo, Kamongome Isaraele wambu dupwana kiŋi yulu embena doko epapu nyepala emba yale daa akali keyange wakasa mende keta maipya, leya.

1 Samyuele 16:1

Kamongo Anatumi Samyuele lamaiyuo, Yuu akipare emba Solena lao mona rando kararepe? Nambame baa Isaraele wambu dupwana kiŋi ingyuo kara nara leyo kande. Emba isa olipinya mamba wele ipwange doko nyepe. Nyepala minyuo pao nambame emba yuu Beteleme dokona akali mende banya kingi Jese lenge karamo dokona mapanyi nembelyo. Wamba nambame dokona ikinyingi mende kiŋi ingyuo karara lao rombo palyuo wasiyu dokona mapanyi nembelyo, leya.

1 Samyuele 7:10

Samyueleme baa mena sipisipi yakane doko pyao kiso maiyuo paleyamo dokopa Pilisitia wambu dupwa oo repe kura lapala pyala epeyami. Pyala epeyaminyi yuu gii dokopa Kamongo dokome yake dokona piso nakama keta pimwaiyuo yuu gala andake leya. Leyamosa wambu dupwa komondo kata palyuo ralo kopyali ingyuo bolombalo lao peyami.