1 Samyuele 2:1 - Anatunya Buku Baepole Ole Testamene Pii Lapo dee Nuu Tesamene

¹ Ana baame dopa pyuo ateŋa lao peteya. Kamongome nambana monarena rae maiyanyi pyambwapya. Baame mende pipyamo dokona lao rae mailyu. Nambana randa jingi wambu dupwa kando giyalya giyana pilyu. Anatumi nyisapya dokona namba raeme kumulyu.

1 Samyuele 2:1 ပူးပေါင်းရင်းမြစ်များ

Samu 118:14

Kamongo baa namba ama porai kana lopalopa inginyi pyambungi. Doko baame namba pyuo nyilyasa pingi.

Samu 148:14

Baame banya Isaraele wambu mona wakasa retenge dupwame baa lakando kararami lao porainyi pyambuya. Kamongo baa lakandamanale.

Samu 51:15

O Kamongo, pii mora piso nyisape. Dokopa nambame embena kingi lakandarowale.

Samu 89:17

Emba keta renge kuiyuo namwa anamasi minyingi renge jingi. Embena mona retenge dokona moko karo anamasi minyingi.

Samu 89:18

Kamongo embame namwa kyawa minyara doko rombo palyiipya. Emba doko Isaraele wambunya Anatu Poo Pyasi dokome namwa kiŋi doko jiipya.

Samu 89:24

Nambame baa mona wakasa reto baa keta renge renge soo kararo. Nambamebanya yanda pimwai anamasi minyingi inginyi pyambwaro.

Ekesetase 15:1

Mosesemoo Isaraele wambu dupwapeme kenane dake Kamongo dokona pyao leyami. Anatu baame mupwa wakasa dokome nyuo anamasi minyapya dokona lao Kamongo doko kando kenane dake pyaro. Baame mena ose dupwape dee osena piso penge dupwape ipwa kota dokona pyao sukusa nembeya.

Ekesetase 15:21

Miriame baame nakamana kenane pyakamiya. Koo andake dupwa nyuo anamasi minyapya dokona Kaomongo banya kingi lakando kenane pyamanale. Baame mena ose dupwape osena piso penge akali dupwape ipwa kota dokona sukusa pyao nembapya, leya.

Apakuku 3:1

Dake poropeta akali Apakukumi ateŋa leya doko.

Apakuku 3:18

Kamongo Anatu baa nambana nyisingi akali dokona namba mee rae maiyuo kararo ingilyamo.

Luku 1:69

Dokona lao banya yulu pingi akali Dapiti dokona palu dokona Lete Wai Pyao Nyingi akali porai mende karena lao renge kuipyamopa karamo.

Orome 5:11

Doko iki daa. Namwana Kamongo Yesu Koraisame Anatupa namwa nyuo puu minyinyi pyambuya dokona Yesu keta Anatu kando raeme kumuo lakandelyamano.

Dutaronome 33:17

Josepe baa bulamakao kalinya porai renge dopale palenge. Dee yulu pingi bulamakao kali okese lenge dokona kyawa kulinya nenge potemo epenge dopale ingyuo nyuo pee pipala karara. Banya kyawa kulinya nenge kyai doko Manasana akali taosandeme poraiyuo karaminyi. Dokona mendeke ingyuo Eporaimena wambu ama malu taosande akalisa (10,000) karaminyi dopale. Manda manjo pao piramopa porai dokome yuu liti wakale dupwana wambu rara dupwa pyao Suu lanyi kipwa kipwasa palyuo karara, leya.

Pilipai 3:3

Anatunya Imambu namwa nyisilyamopa Anatu dokona mona kando kingi lenge. Namwa Koraisa Yesunya arapu dokona karapala rae mailyamano. Dokona lao yanenge kolomasi angingyuo peyama. Doko nakama daa. Namwa yanengena yulu ketae iki suu pyaa nalyamano.

Pilipai 4:4

Kamongona arapu dokona karo yuu peparae rae maiyuo karalapape. Rae wakasa maiyuo karo pipwape lao dee kamba leto.

Pilipai 4:6

Mona nembo kara nalapape. Nakama yano piramo kararami dokona nakamana ateŋa dokome Anatu piso selapape. Dopa pyuo baa piso soo dokopa mona kare kare sangyu lao pipape.

1 Pita 1:8

Nakama Anatu kanda nayaminyipape mona reto karaminyi. Baa dakepa nee pipyamopa karamo doŋo baa kapa ingingi lao suu pilyaminyi. Nakama dopa pyuo karo monarena rae maingi dokome palyuo pyokondepa pyaramopa dokona kambunya piimi kapa lapa narami.

Orepalaisane 18:20

Enda baa koo keta palu palyuo para dokona lao yake doko emba rae maipi. Dopako pyuo Anatunya wambupi dee aposele poropeta akalipi peparae enda baame nakama kando koo pyuo karapya dokona Anatumi baa kando pyao kokwa silyamo dokona rae maiyalapape leya.

1 Samyuele 1:6

Dopa piyamopape Kamongo baame Ana wane mende maiya nalyamo lapala Penina baame enda yango doko kando giyalya giyana pyuo pendewa nembele lao peteya.

1 Samyuele 1:7

Ee kana peparaena dopa pyuo karalu kareyambi. Dopa pyuo Kamongona anda peyaminyi yaka lao Peniname Ana imbu singi nyakamipako piyasa eeyoko lao piso nenge dupwa naa napa piya.